టాలీవుడ్ నుంచి బాలీవుడ్ వరకూ రామ్ గోపాల్ వర్మ అంటే తెలియని వారు ఉండరు. అయాన తీసే సినిమాలు, ఆయన భయపెట్టే తీరు, ఆయన క్రియేట్ చేస్తే కాంట్రోవెర్సీస్, ఇలా ఒక్కటి కాదు. అయితే అదే క్రమంలో వర్మ నైట్ లో ఒక పెగ్ వేశాడంటే చాలు ఏ వారిపైన ఎలా విరుచుకు పడతాడో తెలీదు. చివరకు ఆయన దేవుణ్ణి కూడా వదలడు అని ఆ మధ్య శివుడిని టార్గెట్ చేసినప్పుడు తెలిసింది. అయితే ఈ సారి వర్మ టాలీవుడ్ ను వదిలి బాలీవుడ్ సూపర్ స్టార్ సల్మాన్ ఖాన్ పై పడ్డాడు.
సల్మాన్ కు విమర్శిస్తూనే న్యాయ వ్యవస్తపై తనదైన శైలిలో కౌంటర్ ఇచ్చాడు. ట్విటర్ వేదికగా సల్మాన్ పై వర్మ మాట్లాడుతూ….కృష్ణ జింకలను వేటాడిన కేసులో దాదాపు 18 ఏళ్లనుంచి విచారణ ఎదుర్కొంటున్న బాలీవుడ్ స్టార్ సల్మాన్ ఖాన్ను ఆ కేసులో నిర్దోషిగా తేల్చుతూ రాజస్థాన్ హైకోర్టు తీర్పు వెలువరించిన విషయాన్ని గుర్తు చేసుకుంటూ…‘కేవలం సెలబ్రిటీ కేసుల్లోనే మన న్యాయవ్యవస్థ ఎంత నెమ్మదిగా పనిచేస్తుందో తెలుస్తోంది. సల్మాన్ నిర్దోషి అని చెప్పడానికి న్యాయస్థానానికి ఏకంగా 20 ఏళ్లు పట్టింది’ అంటూ చురక పెట్టి వదిలేసాడు. ఇక్కడ ట్విష్ట్ ఏంటి అంటే అటు సల్లు భాయ్ ని పూర్తిగా విమర్శించకుండా అలా అని న్యాయ వ్యవస్తపై సైతం పూర్తి విమర్శలు గుప్పించకుండా ఏదో మన జనసేన పవన్ కల్యాణ్ లాగా ప్రశ్నించి వదిలేయడంతో సల్మాన్ ఫ్యాన్స్ సైతం వర్మ కామెంట్స్ ను పెద్దగా పట్టించుకోవడంలేదు.
Only celebrity cases make us realise how dead slow judiciary works .it’s scary it took 20yrs for court to decide Salman khan is not guilty
— Ram Gopal Varma (@RGVzoomin) July 25, 2016
