‘ఒకే దెబ్బకి రెండు పిట్టలు’ అనే కాన్సెప్ట్ ను.. రాంగోపాల్ వర్మ ఇప్పుడు బాగా ఫాలో అవుతున్నట్టు స్పష్టమవుతుంది. ఎలా అంటారా..? ఈయన పై విమర్శలు చేసిన వారి పై సెటైర్లు వేస్తూ సినిమాలు చేసి సంతృప్తి చెందడం ఒకటైతే.. ఆ సినిమాలను ఆన్లైన్ లో టికెట్ రేటు పెట్టి మరీ విడుదల చేసి సొమ్ము చేసుకోవడం మరొకటి.. అని చెప్పాలి. ఇప్పటికే ‘క్లైమాక్స్’ తో పాటు అడల్ట్ కంటెంట్ సినిమా ఒకటి.. అలాగే ఇటీవల ‘పవర్ స్టార్’ అనే సినిమా ఒకటి చేసి బాగా క్యాష్ చేసుకున్నాడు వర్మ.
ముఖ్యంగా ‘పవర్ స్టార్’ సినిమా ట్రైలర్ ను విడుదల చేసి.. వివాదాలు నెలకొల్పి.. అలా వచ్చిన పబ్లిసిటీతో బాగా క్యాష్ చేసుకున్నాడు వర్మ. ఇదిలా ఉండగా.. వర్మ నెక్స్ట్ టార్గెట్ చాలా మందే ఉన్నారని తెలుస్తుంది. ఈ లిస్టు లో బాలకృష్ణ, ఉదయ్ కిరణ్ వంటి వారు ఉండగా.. తాజాగా ఓ స్టార్ ప్రొడ్యూసర్ కూడా జాయిన్ అయినట్టు తెలుస్తుంది. ఆ స్టార్ ప్రొడ్యూసర్ మరెవరో కాదు మన అల్లు అరవింద్ గారు.
వర్మ ఇప్పుడు ఈయన పై సెటైరికల్ గా ‘బావ రాజ్యం’ అనే సినిమా చేయ్యబోతున్నాడట. 2009 ఎన్నికల్లో మెగాస్టార్ చిరంజీవి స్థాపించిన ‘ప్రజా రాజ్యం’ పార్టీ ఓటమి పాలైన సంగతి తెలిసిందే. ఆ టైములో అల్లు అరవింద్ గారి పై అనేక ఆరోపణలు వచ్చాయి. వాటిని ఆధారం చేసుకునే వర్మ ఇప్పుడు ‘బావ రాజ్యం’ అనే సినిమాని చేయ్యబోతున్నాడని సమాచారం.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
