గత కొంతకాలంగా మెగా బ్రదర్ నాగబాబు… నందమూరి బాలకృష్ణను టార్గెట్ చేస్తూ కామెంట్స్ చేస్తున్న సంగతి తెలిసిందే. ఇప్పుడు ఈ విషయం పై… ఇప్పటికే శ్రీరెడ్డి సెటైరికల్ గా ఓ వీడియో పోస్ట్ చేసి సంచలనం సృష్టించింది. ఇప్పుడు మరో సంచలనమైన.. దర్శకుడు రామ్ గోపాల్ వర్మ కూడా దీని పై వ్యంగ్యంగా స్పందించాడు.
రాంగోపాల్ వర్మ తన ట్విట్టర్ ను వేదికగా చేసుకుని నాగబాబుపై సెటైర్స్ వేయడం వైరలయ్యింది. రాంగోపాల్ వర్మ స్పందిస్తూ… ”కామెంట్లలో నన్ను మించిపోయారనే నా జెలసీ బాధ ఒక వైపు.. తన స్టార్ బ్రదర్స్ ని డిఫెండ్ చేయడంలో సూపర్ స్టార్ అయిపోయారనే ఆనందం ఒక వైపు.. ఒక కంట కన్నీరు.. మరో కంట పన్నీరు.. నాగబాబు గారు హ్యాట్సాఫ్.. మీ సోదరులను మీరు ప్రేమించేంతగా… నేను కూడా ప్రేమిస్తున్నాను” అంటూ ట్విట్టర్లో పేర్కొన్నాడు.
ఇక నాగబాబు విషయానికొస్తే.. బాలకృష్ణ పలు సందర్భాల్లో మెగాఫ్యామిలీని, పవన్ కళ్యాణ్ ని టార్గెట్ చేస్తూ చేసిన ఆరు కామెంట్స్ ని పట్టుకొని ఇప్పుడు ఒక్కో కామెంట్స్ కి కౌంటర్ ఇస్తూ… తన యూట్యూబ్ ఛానెల్లో వీడియోలు పెడుతున్నాడు. ఇప్పటికే ఐదు కామెంట్లకు కౌంటర్లు ఇచ్చిన నాగబాబు ఇప్పుడు ఆరో కామెంట్ కి కౌంటర్ ఇవ్వడానికి రెడీ అవుతున్నాడు. మరి ఈ వీడియోతో ఎలాంటి కౌంటర్ ఇస్తాడో చూడాలి మరి..!
