రామ్ – కరుణాకరణ్ కాంబినేషన్ కుదిరిందటగా..!

హిట్ పడ్డాక కూడా సినిమాల జోరు పెంచకుండా సైలెంట్ గా ఉండిపోయాడు ఎనెర్జిటిక్ స్టార్ రామ్. బహుశా ఈ విషయంలో యంగ్ టైగర్ ని ఫాలో అవుతున్నాడు కాబోలు. ఎన్టీఆర్ కి మళ్లే పలు కథలు విన్న రామ్ ఎవరికీ ‘ఓకే’ చెప్పకుండా దర్శకులను సందిగ్ధంలో పడేశాడు. ఇన్నాళ్ల మౌనాన్ని వీడుతూ ఓ దర్శకుడికి గ్రీన్ సిగ్నల్ ఇచ్చాడట రామ్. రామ్ కి కథ వినిపించి అతగాడి నిర్ణయం కోసం కాచుకు కూర్చుని ఉన్న దర్శకులలో కరుణాకరణ్ ఒకరు. ప్రేమకథా చిత్రాల దర్శకుడిగా, సెన్సిబుల్ డైరెక్టర్ గా పేరున్న ఇతగాడికి ఈ మధ్య కాలంలో విజయాలే కరువయ్యాయి.

చివరిగా నితిన్ తో ‘చిన్నదాన నీకోసం’ సినిమా చేసిన ఈ దర్శకుడు అంతకుముందు రామ్ తో తొలిసారి జతకట్టి ‘ఎందుకంటే ప్రేమంట’ సినిమా చేశాడు. అది సరైన ఫలితాన్ని ఇవ్వలేకపోయింది. వరుస విజయాలు అందుకున్న అనిల్ రావిపూడి వంటి దర్శకులు సంప్రదించినా చివరికి రామ్ కరుణాకరణ్ తోనే సినిమా చేయనుండటం గమనార్హం. ఈ ఏడాది ‘నేను శైలజ’, ‘హైపర్’ సినిమాలతో హిట్ కొట్టిన రామ్ కరుణాకరణ్ సినిమాని త్వరలోనే సెట్స్ పైకి తీసుకెళ్లనున్నాడట. రామ్ కుటుంబ నిర్మాణ సంస్థ అయినా ‘స్రవంతి మూవీస్’ బ్యానర్ లో తెరకెక్కనున్న ఈ సినిమా కోసం ప్రస్తుతం హీరోయిన్ ని వెతుకుతున్నారు. దీనికి సంబంధించి అధికారిక ప్రకటన త్వరలోనే వెలువడే అవకాశముంది.

Also, do SUBSCRIBE to our YouTube channel to get latest Tollywood updates.