Ram Pothineni : నేను కూడా ఇంటర్ పూర్తి చెయ్యలేదు.. హీరో రామ్ ట్వీట్ వైరల్

ప్రతి సంవత్సరం పదో తరగతి, ఇంటర్మీడియట్ ఫలితాల సమయంలో విద్యార్థుల్లో టెన్షన్, ఆందోళన పెరగడం సాధారణం. మార్కులు ఎలా వస్తాయో అన్న భయం కొందరిని మానసికంగా బలహీనులను చేస్తోంది. ఇలాంటి సమయంలో సమాజంలో జరుగుతున్న కొన్ని విషాద ఘటనలు అందరినీ కలచివేస్తున్నాయి. ఈ నేపథ్యంలో విద్యార్థులకు ధైర్యం చెప్పేలా సినీ ప్రముఖులు ఇచ్చే సందేశాలు ఎంతో ప్రాధాన్యం సంతరించుకుంటున్నాయి.

Ram Pothineni

ఇక విషయానికొస్తే.. హీరో రామ్ పోతినేని చేసిన ఓ పాత ట్వీట్ సోషల్ మీడియాలో వైరల్‌గా మారింది. ఇంటర్మీడియట్ ఫలితాల నేపథ్యంలో ఆయన చెప్పిన మాటలు విద్యార్థుల్లో కొత్త నమ్మకాన్ని నింపుతున్నాయి. “మార్కులే జీవితం కాదు… నేను కూడా ఇంటర్ పూర్తి చేయలేదు. మీరు సాధించబోయే విజయాలతో పోలిస్తే ఇవి చాలా చిన్న విషయాలు” అంటూ రామ్ అప్పట్లో చెప్పిన సందేశం ఇప్పుడు మళ్లీ వైరల్ గా మారింది.

విద్యార్థులు ఒక్కసారి ఫెయిల్ అయ్యారని జీవితాన్ని ముగించుకోవాలనే ఆలోచనకు వెళ్లకూడదని, ఆత్మవిశ్వాసంతో ముందుకు సాగితే అవకాశాలు ఎన్నో ఉంటాయని ఆయన సూచించారు. ఈ మాటలు ప్రస్తుతం చాలా మందికి మోటివేషన్‌గా మారుతున్నాయి.

ఇక కెరీర్ విషయానికి వస్తే, రామ్ వరుసగా సినిమాలు చేస్తూ ప్రేక్షకులను అలరిస్తున్నాడు. ఇటీవల వచ్చిన చిత్రానికి మిశ్రమ స్పందన వచ్చినప్పటికీ, ఆయన తన ప్రయాణాన్ని ఆపకుండా కొత్త కథలతో ముందుకు సాగుతున్నాడు.తమిళ్ డైరెక్టర్ లోకేష్ కనగరాజ్ వద్ద అసిస్టెంట్ డైరెక్టర్ గా పనిచేసిన వాళ్లలో ఒకరితో, రామ్ తన తదుపరి ప్రాజెక్ట్ పట్టాలెక్కించటానికి ప్రయత్నాలు చేస్తున్నట్లు సమాచారం.అలాగే వ్యక్తిగత జీవితంపై కూడా ఓపెన్‌గా స్పందిస్తూ, జీవితాన్ని సింగల్ గా ఆనందంగా గడపాలని భావిస్తున్నట్లు చెప్పడం ఆసక్తికరంగా మారింది.

Standup Comedy : కటకటాల్లోకి స్టాండ్ అప్ కమెడియన్ అనుదీప్ కటికాల ! ఎక్కడ దొరికాడంటే ?