టాలీవుడ్ ఇండస్ట్రీలో ఉస్తాద్ హీరోగా సరికొత్త క్రేజ్ అందుకుంటున్న రామ్ పోతినేని రాబోయే రోజుల్లో మరిన్ని డిఫరెంట్ సినిమాలతో రాబోతున్నట్లు తెలుస్తోంది. ఎలాంటి సినిమా చేసినా కూడా అన్ని వర్గాల ప్రేక్షకులకు నచ్చే విధంగా ఉండాలని అడుగులు వేస్తున్నాడు. ముఖ్యంగా ఇస్మార్ట్ శంకర్ సినిమాతో అతని మార్కెట్ ఒక్కసారిగా పెరిగిపోయింది. ఇక అప్పటి నుంచి అంతకు మించి అనేలా ఉండాలని ప్రాజెక్ట్ లను సెలెక్ట్ చేసుకుంటున్నాడు. గత ఏడాది సంక్రాంతికి వచ్చిన తమిళ్ రీమేక్ మూవీ రెడ్ సినిమా అనుకున్నంతగా సక్సెస్ కాలేకపోయింది.
బ్రేక్ ఈవెన్ టార్గెట్ ను కూడా అన్ని ఏరియాల్లో సరిగ్గా ఫినిష్ చేయలేదు. ఆ సినిమాతో సంతృప్తి చెందలేకపోయినా రామ్ ఈసారి ద్విభాషా చిత్రాన్ని విడుదల చేసి అంతకుమించి అనేలా హిట్ అందుకోవాలని ప్లాన్ వేశాడు. ఇక ప్రస్తుతం అందరి ఫోకస్ కూడా రామ్ 19వ సినిమా టైటిల్ పై పడింది. లింగుస్వామి దర్శకత్వంలో తెరకెక్కుతున్న ఆ సినిమా పై అంచనాలు అయితే గట్టిగానే ఉన్నాయి. ఇక సినిమాకు వారియర్ అనే టైటిల్ ఫిక్స్ చేసినట్లుగా తెలుస్తోంది.
నేడు అఫిషియల్ గా ఒక పోస్టర్ ద్వారా క్లారిటీ ఎనౌన్స్మెంట్ కూడా వచ్చేసింది. ఈ సినిమాలో కృతి శెట్టి హీరోయిన్ గా నటిస్తోంది. ఇక మరికొందరు సీనియర్ నటీనటులు కూడా సినిమాలో ప్రత్యేకమైన పాత్రల్లో కనిపించబోతున్నట్లు సమాచారం. ఇక సినిమాకు సంబంధించిన షూటింగ్ సగానికి పైగా ఫినిష్ అయ్యింది. గతంలో అల్లు అర్జున్ కోసం సెట్ చేసుకున్న కథను లింగుస్వామి రామ్ తో తెరకెక్కిస్తున్నట్లు తెలుస్తోంది. రామ్ బాడీ లాంగ్వేజ్ కు తగ్గట్టుగానే స్క్రిప్ట్ ను చాలా పవర్ఫుల్ గా సిద్ధం చేసినట్లు సమాచారం.
అందుకే సినిమాకు వారియర్ అనే టైటిల్ ను ఫిక్స్ చేసినట్లు తెలుస్తోంది. ఇక సినిమాలో రామ్ మూడు విభిన్నమైన షేడ్స్ లో కనిపిస్తాడని తెలుస్తోంది. మరి వారియర్ సినిమా రామ్ మార్కెట్ ను ఏ స్థాయిలో పెంచుతుందో చూడాలి.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
Home
