అందరికీ హాట్ ఫేవరెట్ అయిపోయిన అనుపమ .!

ఇదివరకంటే హీరోయిన్ల కొరత దారుణంగా ఉండేది కాబట్టి.. వెంటవెంటనే హీరోయిన్స్ ను రిపీట్ చేసేవారు. కానీ.. ఇప్పుడు పరిస్థితి అలా లేదు. పూటకో కొత్త హీరోయిన్ పుట్టుకొస్తోంది. అందుకే ఒకసారి నటించిన హీరోయిన్ తో మళ్ళీ నటించాల్సిన అవసరం మన హీరోలకి రావడం లేదు. అయితే.. అనుపమకి మాత్రం అదృష్టం కలిసొచ్చిందో లేక మరో రీజనో తెలియదు కానీ..

వెంటవెంటనే ఇద్దరు హీరోలతో బ్యాక్ టు బ్యాక్ సినిమాలు చేసే అవకాశం సొంతం చేసుకొంది. రామ్ తో “ఉన్నది ఒకటే జిందగీ” అనంతరం వెంటనే “హలో గురు ప్రేమ కోసమే” అనే సినిమా సైన్ చేసిన అనుపమ ఇప్పుడు సాయిధరమ్ తేజ్ తోనే సేమ్ ఫార్మాట్ రిపీట్ చేస్తోంది. అలరెడీ తేజ్ బాబుతో “తేజ్ ఐ లవ్ యూ” అనే సినిమాలో నటిస్తున్న అనుపమ పరమేశ్వరన్ తేజ్ తదుపరి చిత్రమైన కిషోర్ తిరుమల చిత్రంలోనూ కథానాయికగా ఎంపికైంది. ఇలా రామ్ & తేజ్ తో వరుసబెట్టి సినిమాలు ఒప్పుకొన్న అనుపమ ప్రస్తుతం టాక్ ఆఫ్ ది టౌన్ అయ్యింది.