ప్రస్తుతం సినిమాలో పాటలకు సింగల్ కార్డ్ అందుకుంటున్న రచయితల్లో రామ జోగయ్య శాస్త్రి ఒకరు. జనతా గ్యారేజ్ లో అతను రాసిన అన్ని పాటలు అదరహో అనిపించాయి. గతంలో మహేష్ ఇండస్ట్రీ హిట్ మూవీ శ్రీమంతుడుకి సూపర్ లిరిక్స్ ఇచ్చారు. ఇప్పుడు మహేష్ బాబు స్పైడర్ మూవీకి సాహిత్యాన్ని అందిస్తున్నారు. ఏ ఆర్ మురుగదాస్ దర్శకత్వంలో ఏకకాలంలో తెలుగు, తమిళ భాషల్లో తెరకెక్కుతోన్న స్పైడర్ మూవీకి క్లైమాక్స్, రెండు పాటలు మిగిలి ఉన్నాయి. త్వరలో క్లైమాక్స్ షూటింగ్ హైదరాబాద్ లో మొదలుకానుంది.
అంతకంటే ముందు మిగిలిన రెండు పాటల కంపోజింగ్ లో హరీష్ జయరాజ్ బిజీగా ఉన్నారు. వాటికి సాహిత్యాన్ని రామజోగయ్య శాస్త్రి అందిస్తారు. అందుకోసం ఆయన చెన్నైలో ఉన్నారు. ఈ విషయాన్నీ ట్విట్టర్లో పంచుకున్నారు. “అలవాటులో పొరపాటు.. స్పైడర్ వర్క్ కోసం చెన్నై లో ఉన్నాను” అని ట్వీట్ చేసి తాను రాసే పాట లిరిక్ ని పంచుకున్నారు. భారీ బడ్జెట్ తో నిర్మితమవుతున్న ఈ మూవీ మహేష్ బాబు పుట్టినరోజైన ఆగస్టు 9 వ తేదీ రిలీజ్ కానుంది.
Also, do SUBSCRIBE to our YouTube channel to get latest Tollywood updates.
