నేను ఇప్పటివరకూ పనిచేసిన వాళ్ళలో ఆమే ది బెస్ట్: చరణ్

మన టాలీవుడ్ లో మాత్రమే కాదు.. యావత్ సౌత్ ఇండియాలో బెస్ట్ డ్యాన్సర్స్ లిస్ట్ లో అల్లు అర్జున్, రామ్ చరణ్, ఎన్టీఆర్ లు ముందు వరుసలో ఉంటారు. వాళ్ళ సరసన డ్యాన్స్ చేయడం అంటే హీరోయిన్లకు తలప్రాణం తోకకొచ్చినట్లవుతుంది. కానీ.. ఆ డ్యాన్సింగ్ ప్రొసెస్ ను మాత్రం హీరోయిన్స్ చాలా బాగా ఎంజాయ్ చేస్తుంటారు. అప్పట్లో చిరంజీవికి మోస్ట్ ఫేవరెట్ డ్యాన్స్ పార్ట్నర్ అంటే వాణీ విశ్వనాధ్, రాధల పేర్లు చెప్పేవాడు. ఆ తర్వాత వచ్చిన హీరోయిన్లలో హీరోలతో సమానమైన డ్యాన్స్ చేసింది మాత్రం తమన్నా, సమీరా రెడ్డిలు మాత్రమే. ఈ ఇద్దరి తర్వాత ఆ స్థాయి డ్యాన్సర్ ఎవరూ రాలేదనే చెప్పాలి.

అయితే.. రామ్ చరణ్ ఇటీవల తన సరసన నటించిన కీయారాను తన బెస్ట్ డ్యాన్స్ పార్ట్నర్ అంటూ తెగ పొగిడేస్తున్నాడు. భరత్ అనే నేనులో ఆమె డ్యాన్స్ ను పెద్దగా చూడలేకపోయామ్ కానీ.. వినయ విధేయ రామ సినిమాలో కీయారా డ్యాన్స్ పెర్ఫార్మెన్స్ ఇరగదీసిందట. ఈ విషయాన్ని చరణ్ ఇటీవల షేర్ చేసుకోవడమే కాక కీయారాపై ప్రశంసల వర్షం కురిపించాడు. మరి అమ్మడి డ్యాన్స్ పెర్ఫార్మెన్స్ మనం చూడాలంటే మాత్రం జనవరి 11 వరకూ వెయిట్ చేయాల్సిందే.