‘ఆర్.ఆర్.ఆర్’ నుండీ రాంచరణ్ ఫస్ట్ లుక్ వచ్చేస్తుంది..!

దర్శకధీరుడు ఎస్‌.ఎస్‌ రాజమౌళి తెరకెక్కిస్తున్న భారీ మల్టీస్టారర్‌ చిత్రం ‘ఆర్‌.ఆర్‌.ఆర్‌’ సినిమా ప్రస్తుతం రామోజీ ఫిలిం సిటీలో రెండో షెడ్యూల్‌ జరుపుకుంటుంది. ఈ షెడ్యూల్ లో రాంచరణ్ పై కీలక సన్నివేశాల్ని తెరకెక్కిస్తున్నాడు రాజమౌళి . ఇక ఈ చిత్రంలో రెండో హీరో అయిన ఎన్టీఆర్ ప్రస్తుతం హాలిడే ట్రిప్ లో ఉన్నాడు. ఇదిలా ఉండగా… ఇప్పటి వరకూ ‘ఆర్‌.ఆర్‌.ఆర్‌’ చిత్రానికి సంబంధించి అసలు టైటిల్‌ ను కానీ, ఇతర నటీనటుల వివరాలు కానీ ప్రకటించలేదు. అయితే వీటికి సంబందించిన ఓ ఆసక్తికరమైన వార్త ఇప్పుడు ఫిలింనగర్లో చక్కర్లు కొడుతుంది.

• దేవ్ రివ్యూ కోసం ఇక్కడ క్లిక్ చెయ్యండి
• లవర్స్ డే రివ్యూ కోసం ఇక్కడ క్లిక్ చెయ్యండి
• ‘లక్ష్మీస్ ఎన్టీఆర్’ ట్రైలర్ రివ్యూ..!
• ‘మజిలీ’ టీజర్ రివ్యూ.

వివరాల్లోకి వెళితే… మార్చి 27 న మెగాపవర్ స్టార్ రాంచరణ్ పుట్టినరోజు సందర్భంగా… ఈ చిత్రం నుండీ రాంచరణ్ పాత్రకు సంబంధించిన ఫస్ట్ లుక్ ని విడుదల చేయబోతున్నారట. ఇలా ఈ వార్త బయటకి వచ్చిందో లేదో… ఇప్పటినుండే అభిమానుల్లో ఆసక్తి నెలకొంది. గతంలో ‘బాహుబలి’ చిత్ర ప్రారంభం సమయంలో ప్రభాస్ పుట్టినరోజు సందర్భంగా ఓ ఫస్ట్ లుక్ ని రిలీజ్ చేసాడు జక్కన్న. అంతే కాదు రానా, అనుష్క, తమన్నా,రమ్యకృష్ణ… ఇలా అందరి పుట్టినరోజుకి వారి పాత్రలకి సంబందించిన ఫస్ట్ లుక్ ని విడుదల చేసాడు. సో ఇప్పుడు ఈ వార్త కూడా నిజమే అంటున్నారు ఫిలింనగర్ విశ్లేషకులు. ఇక ఈ చిత్రాన్ని భారీ బడ్జెట్ తో ‘డీ.వీ.వీ.ఎంటర్‌టైన్‌మెంట్స్‌’ బ్యానర్‌ పై డీ.వీ.వీ.దానయ్య నిర్మిస్తుండగా… ఎం.ఎం.కీరవాణి సంగీతమందిస్తున్నారు.