Ramoji Rao: రామోజీరావు ఆసుపత్రిలో చేరారా .. విషయమేంటి?

April 3, 2023 / 07:22 PM ISTByFilmy Focus

Join Us

Ramoji Rao: రామోజీరావు ఆసుపత్రిలో చేరారా .. విషయమేంటి?

రామోజీరావు … ఈ పేరు తెలియని వారంటూ ఉండరు. ఈనాడు గ్రూప్ కి చైర్మెన్, రామోజీ ఫిల్మ్ సిటీకి యజమాని, దశాబ్దాల తరబడి రాజకీయాల్లో చక్రం తిప్పుతున్న పవర్ ఫుల్ పర్సన్. అన్ని భాషల్లోని.. సినిమాల షూటింగ్ లు ఈయన రామోజీ ఫిల్మ్ సిటీలోనే జరుగుతూ ఉంటాయి. పొలిటికల్ గా ఎన్నో విమర్శలు, వివాదాల్లో చిక్కుకున్న వ్యక్తి కూడా..! ఇటీవల మార్గదర్శి చిట్ ఫండ్ కేసులో ఈయన విచారణలు వంటివాటికి తిరిగిన సంగతి తెలిసిందే.

అయితే తాజాగా ఈయన హాస్పిటల్ బెడ్ పై ఉన్న ఓ ఫోటో ఇప్పుడు వైరల్ అవుతుంది. ఈ ఫోటో చాలామందిని.. బడా బడా సెలబ్రిటీలను కూడా కలవరపరుస్తుందని చెప్పాలి. రామోజీరావు గారికి ఇప్పుడు 86 ఏళ్ళ వయసు. కాబట్టి ఆయన వయసు సంబంధిత ఇబ్బందులతో సతమతమవుతున్నారు. తాజాగా ఆయన అనారోగ్యానికి గురైనట్టు తెలుస్తుంది. అందుకే ఆయన ఇంట్లోనే వైద్యులు ఆయనకు చికిత్స అందిస్తున్నట్టు స్పష్టమవుతుంది. దీని పై మరిన్ని వివరాలు తెలియాల్సి ఉంది. ఇదిలా ఉండగా..

రామోజీరావు (Ramoji Rao) టాలీవుడ్ కు చేసిన సేవలు మర్చిపోలేనివి అనడంలో అతిశయోక్తి లేదు. ఆయన నిర్మాతగా దాదాపు 60కి పైగా సినిమాలు చేసినట్టు తెలుస్తోంది. తేజ, శ్రీను వైట్ల, తరుణ్ , ఉదయ్ కిరణ్, ఎన్టీఆర్ , కళ్యాణ్ రామ్, శ్రీయ వంటి స్టార్లను పరిచయం చేసిన ఘనత ఈయనకే చెందింది. అందుకే ఈయనకు పద్మవిభూషణ్ సత్కారం కూడా లభించింది. రామోజీరావు గారి లేటెస్ట్ ఫోటో పై సోషల్ మీడియాలో చాలా డిస్కషన్లు నడుస్తున్నాయి.