‘రంగమార్తాండ’ లో రమ్యకృష్ణ ఫస్ట్ ఛాయిస్ కాదు… కృష్ణవంశీ ఆసక్తికర కామెంట్లు..!

March 23, 2023 / 01:56 PM ISTByFilmy Focus

Join Us

‘రంగమార్తాండ’ లో రమ్యకృష్ణ ఫస్ట్ ఛాయిస్ కాదు… కృష్ణవంశీ ఆసక్తికర కామెంట్లు..!

దాదాపు 5 ఏళ్ల తర్వాత సీనియర్ స్టార్ దర్శకుడు కృష్ణవంశీ నుండి వచ్చిన చిత్రం. నిన్న అంటే ఉగాది రోజున ఈ చిత్రం రిలీజ్ అయ్యింది. నిన్న హాలిడే కావడం.. పైగా ప్రీమియర్స్ నుండి సినిమా సూపర్ రెస్పాన్స్ ను రాబట్టుకోవడంతో తక్కువ థియేటర్లలో రిలీజ్ అయినప్పటికీ చాలా చోట్ల హౌస్ ఫుల్ బోర్డులు పడ్డాయి. చాలా కాలం కృష్ణవంశీ సినిమాకి థియేటర్లలో ఇలాంటి ఆదరణ దక్కడంతో ఆయన ఓ పక్క సంతోషపడుతూనే మరోపక్క ఎమోషనల్ అయ్యాడని చెప్పాలి.

అదే ఆనందంలో నిన్న హైదరాబాద్ లో ఉన్న చాలా థియేటర్లకు తిరిగొచ్చాడు. ప్రేక్షకుల రెస్పాన్స్ చూసి తబ్బుబ్బిపోయాడు. ఈ సినిమాలో అందరి నటన బాగుంటుంది అనడంలో అతిశయోక్తి లేదు. అయితే ప్రకాష్ రాజ్, బ్రహ్మానందం, రమ్యకృష్ణ పాత్రలు కట్టిపడేస్తాయి. ముఖ్యంగా పెళ్ళైన తర్వాత కృష్ణవంశీ సినిమాలో రమ్యకృష్ణ కనిపించడం ఇదే మొదటిసారి అన్న సంగతి తెలిసిందే. నిజానికి ఈ సినిమాలో రమ్యకృష్ణ ఫస్ట్ ఛాయిస్ కాదట. ఈ విషయాన్ని స్వయంగా కృష్ణవంశీనే చెప్పుకొచ్చాడు.

కృష్ణవంశీ మాట్లాడుతూ… “ఈ సినిమాలో ప్రకాష్ రాజ్ భార్య పాత్ర కోసం .. రేవతి .. రాధిక .. సుహాసిని .. శోభన .. టబు వంటివారిని అనుకున్నాను. వాళ్లని సంప్రాదించే పనులు కూడా మొదలుపెట్టాను. ఈ క్రమంలో రమ్యకృష్ణ.. ‘నేను చేయనా’ అని అడిగింది. ఈ పాత్రకి ఎక్కువ డైలాగ్స్ ఉండవు .. కళ్లతోనే మాట్లాడవలసి ఉంటుంది.. ఆలోచించుకో అని నేను ఆమెతో చెప్పాను.’మరేం పరవాలేదు .. నేను చేస్తాను’ అనేసింది.

దాంతో నేను భయపడిపోయాను. ఎందుకంటే పెళ్లికి ముందు రమ్యతో ‘చంద్రలేఖ’ చేశాను. ఆ తర్వాత ఇద్దరం కలిసి ఇంతవరకు సినిమా చేయలేదు. ఇప్పుడు తనకి ఉన్న క్రేజ్ వేరు. తను మంచి నటి అనే విషయం ఇంతకుముందు తెలుసు .. ఈ సినిమాతో తాను గొప్ప నటి అనే సంగతి అర్థమైంది” అంటూ చెప్పుకొచ్చారు. కృష్ణవంశీ కామెంట్లు ఇప్పుడు వైరల్ గా మారాయి.