తెలుగు చిత్ర పరిశ్రమలో అత్త పాత్రలంటే రమ్యకృష్ణ గుర్తుకొస్తుంది. అంతలా ఆకట్టుకుంది. రీసెంట్ గా శైలజ రెడ్డి అల్లుడు సినిమాలో నాగచైతన్యకి కూడా అత్తగా నటించి అలరించింది. మరో సారి అత్త పాత్రలో మెరవనున్నట్టు తెలిసింది. పవర్ స్టార్ పవన్‌కల్యాణ్, త్రివిక్రమ్ కాంబినేషన్‌లో తెరకెక్కిన “అత్తారింటికి దారేది!” సూపర్ హిట్ అయింది. ఈ మూవీని తమిళంలో శింబూ హీరోగా రీమేక్ చేస్తున్నారు. తెలుగులో నదియా పోషించిన “సునంద”(అత్త) పాత్రని తమిళంలో కుష్బూ పోషిస్తున్నారని గత కొంతకాలంగా షికారు చేసింది. అయితే ఈ పాత్రను కుష్బూ చేయడం లేదని తెలిసింది. ఆ రోల్ రమ్యకృష్ణ ని వెతుక్కుంటూ వచ్చినట్లు సమాచారం.
లైకా ప్రొడక్షన్స్ నిర్మిస్తున్న ఈ చిత్రంలో అత్త రోల్ కి రమ్యకృష్ణ కరక్ట్ గా ఉంటుందని చిత్ర బృందంలో సభ్యులందరూ చెప్పడంతో దర్శకుడు సుందర్ సి సెలక్ట్ చేసినట్లు ఫిలిం నగర్ వాసులు చెప్పారు. పవన్ కి జోడీగా నటించిన సమంత, ప్రణీత రోల్స్ ని మేఘా ఆకాశ్, కేథరీన్‌ థెరీసా పోషిస్తున్నారు. ప్రస్తుతం హైదరాబాద్ లో షూటింగ్ జరుపుకుంటున్న ఈ మూవీ ఏడాది చివర్లో థియేటర్లోకి రానుంది. తెలుగులో వందకోట్లకు పైగా వసూలు చేసిన ఈ కథ.. తమిళంలో ఎన్నికోట్లు వసూలు చేస్తుందో చూడాలి.
