బుల్లితెర రియాలిటీ షోలలో ఒకటైన బిగ్ బాస్ షో సీజన్ 5 తెలుగు ఈ ఏడాది సెప్టెంబర్ నెల నుంచి ప్రారంభం కానుందని వార్తలు వస్తున్నాయి. తెలుగులో బిగ్ బాస్ సీజన్ 1ను జూనియర్ ఎన్టీఆర్ హోస్ట్ చేయగా సీజన్ 2ను నాని హోస్ట్ చేశారు. బిగ్ బాస్ సీజన్ 3, సీజన్ 4లకు సీనియర్ హీరో నాగార్జున హోస్ట్ గా వ్యవహరించారు. అయితే బిగ్ బాస్ సీజన్ 5ను మాత్రం నాగార్జున హోస్ట్ చేయరని ఇండస్ట్రీ వర్గాల్లో వినిపిస్తోంది.
నాగార్జున ప్రస్తుతం ప్రవీణ్ సత్తారు డైరెక్షన్ లో ఒక సినిమాలో, కళ్యాణ్ కృష్ణ డైరెక్షన్ లో బంగార్రాజు సినిమాలో నటిస్తున్నారు. వరుసగా రెండు సినిమాల షూటింగ్ లతో బిజీగా ఉండటంతో నాగార్జున ఈ సీజన్ ను హోస్ట్ చేయలేనని బిగ్ బాస్ నిర్వాహకులకు చెప్పారని ఇండస్ట్రీ వర్గాల్లో వినిపిస్తోంది. బిగ్ బాస్ సీజన్ 5కు రానా హోస్ట్ చేయనున్నారని ప్రచారం జరుగుతుండటం గమనార్హం. అయితే ఈ వార్తలో నిజానిజాలు తెలియాల్సి ఉంది.
రానా ఇప్పటికే నెం 1 యారి షోను హోస్ట్ చేసి హోస్ట్ గా మంచి పేరు సంపాదించుకున్నారు. రానా నటించిన అరణ్య సినిమా ఈ ఏడాది రిలీజై ఫ్లాప్ కాగా విరాటపర్వం సినిమా త్వరలో రిలీజ్ కానుంది. రానా నిజంగా బిగ్ బాస్ షోను హోస్ట్ చేస్తారో లేదో తెలియాలంటే కొన్నిరోజులు ఆగాల్సిందే. ప్రస్తుతం బిగ్ బాస్ సీజన్ 5 పనులు ముమ్మరంగా జరుగుతుండగా జూమ్ ద్వారా బిగ్ బాస్ నిర్వాహకులు కంటెస్టెంట్ల ఎంపిక ప్రక్రియను కూడా పూర్తి చేసినట్టు తెలుస్తోంది.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home