“బాహుబలి” సినిమాలో భల్లాలదేవుడు మన బాహుబలి మీద పగ పెంచుకోవడానికి ముఖ్యకారణం దేవసేన. రెండు భాగాల్లోనూ ప్రభాస్ పోరాడేది ఆ దేవసేన కోసమే. కాకపోతే.. రెండు వేర్వేరు పాత్రల్లో. అలాంటి దేవసేన అదేనండీ మన అనుష్క “రుద్రమదేవి” చిత్రంలో భల్లాల అదే రాణాతో రొమాన్స్ చేస్తుంటే చూడ్డానికి చాలామంది ఇబ్బందిపడ్డారు. ఆ సినిమా హిట్ అవ్వకపోవడానికి ముఖ్యకారణాల్లో అదొకటి అని కూడా చెప్పుకొంటుంటారు. మళ్ళీ ఇన్నాళ్ల తర్వాత వాళ్ళిద్దరూ కలిసి ఒక సినిమా చేయనున్నారు.
కోన వెంకట్ త్వరలోనే అనుష్కతో “సైలెన్స్ ప్లీజ్” అనే హాలీవుడ్ రేంజ్ ప్రొజెక్ట్ చేయనున్నాడన్న విషయం తెలిసిందే. ప్రస్తుతం ఈ ప్రొజెక్ట్ కోసం అనుష్క సన్నబడుతోంది. ఈ సినిమాలో అనుష్క సరసన రాణా నటించనున్నాడట. ఏప్రిల్ లేదా మే నుంచి రెగ్యులర్ షూటింగ్ కు వెళ్ళే ఈ సినిమాలో మాధవన్ కూడా ముఖ్యపాత్ర పోషించనుండడం విశేషం. మరి ఒకసారి ఫెయిల్ అయిన అనుష్క-రాణాల రొమాన్స్ ఇప్పుడైనా వర్కవుట్ అవుతుందో లేదో చూడాలి.
Home