అందుకే ఇలా సన్నబడ్డాను : రానా

రానా ప్రస్తుతం చాలా సన్నబడిపోయాడు. అతన్ని చూస్తే అసలు రానానే నా. ‘బాహుబలి ది బిగినింగ్’ లో కండలు తిరిగిన దేహంతో దున్నపోతుల పని పట్టిన రానా ఇప్పుడు ఇలా బక్కగా అయిపోయాడేంటి అని ప్రేక్షకులు నోర్లు వెళ్ళబెడుతున్నారు. ‘బాహుబలి2’ లో కూడా కొన్ని కొన్ని సీన్లలో సన్నగా కనబడుతూ వచ్చిన భల్లాలదేవుడు ఇప్పుడు మరీ చిక్కిపోయినట్టు కనిపిస్తున్నాడు. అసలు రానాకు ఏమైంది అని అందరూ.. అనుకుంటున్న తరుణంలో రానా కి ఆరోగ్యం బాలేదని.. అతనికి కిడ్నీ సమస్య ఉందని.. కిడ్నీ మార్పిడి చేయించుకునేందుకు ‘డోనర్’ ను చూస్తున్నారని రకరకాల విధంగా ప్రచారం జరిగింది.

తాజాగా ఈ విషయాల పై రానా క్లారిటీ ఇచ్చాడు.. “నేను నటిస్తున్న కొత్త సినిమా ‘హతీ మేరీ సాథీ’లో ఓ ముప్పై ఏళ్ళ పాటు కేవలం అడివిలోనే గడిపే ఓ వ్యక్తి పాత్ర చేస్తున్నాను. ఆ పాత్ర కోసం సన్నబడాలని దర్శకుడు చెప్తే ఇలా సన్నబడ్డాను అంటూ చెప్పుకొచ్చాడు. ఈ చిత్రం షూటింగ్ పూర్తయిన వెంటనే మళ్ళీ కండలు పెంచేస్తాను” అంటూ చెప్పుకొచ్చాడు. ఈ మాటల్ని బట్టి చూస్తే… రానా ఆరోగ్య పరిస్థితి బానే ఉందని అర్థమవుతుంది.