చిరుతో కుదరదు అంటున్న హీరో!

టాలీవుడ్ లో మెగాస్టార్ మ్యానియా గురించి ఆయన అభిమానులను అడిగితే కధలు కధలుగా చెబుతారు. అయితే అదే క్రమంలో చిరు స్టార్ డమ్ గురించి మనం ప్రత్యేకంగా మాట్లాడుకోవాల్సిన పనిలేదు. ఒకటి కాదు, రెండు కాదు, దాదాపుగా 9ఏళ్ల తరువాత చిరు మళ్లీ ముఖానికి రంగులు వేసుకున్నా, అదే క్రమంలో ఆరవ కధను అరువు తెచ్చుకుని తెరపై కనిపించినా ఆయన ఫ్యాన్స్ ఆయన్ని యాక్సెప్ట్ చేశారు అదీ చిరు క్రేజ్. ఇదిలా ఉంటే అసలు కధ ఏంటి అంటే, చిరుకి టాలీవుడ్ యువ హీరో, బాహుబలి విలన్ రాణా దగ్గుపాటి నో చెప్పినట్లు వార్తలు వస్తున్నాయి. అసలు విషయంలోకి వెళితే, మెగాస్టార్ చిరంజీవి నటిస్తున్న అప్ కమింగ్ మూవీ గురించి ప్రస్తుతం ఇండస్ట్రీలో హాట్ టాక్స్ వినిపిస్తున్నాయి. దీనికి సంబంధించిన వివరాల్లోకి వెళితే, మెగాస్టార్ చిరంజీవి 151వ సినిమా ప్రస్తుతం ప్రీ ప్రొడక్షన్ దశలో ఉంది. ఈ మూవీకి సంబంధించిన కాస్టింగ్ విషయంలో కీలక మార్పులు జరుగుతున్నాయనేది తాజాగా తెలుస్తున్న సమాచారం. స్టైలిష్ డైరెక్టర్ సురేందర్ రెడ్డి డైరెక్ట్ చేయనున్న ఈ సినిమాలో స్టార్ యాక్టర్ రానా నటించనున్నారని ఇప్పటికే వార్తలు వచ్చిన తరుణంలో దీనిపై క్లారిటీ ఇచ్చాడట రాణా దగ్గుపాటి.

ఇప్పటికే బాహుబలి2 1100 కోట్ల రూపాయలను కలెక్ట్ చేసింది. దీంతో మెగాస్టార్ సినిమాని సైతం భారీగా తెరకెక్కించి, అత్యధిక థియోటర్స్ లో రిలీజ్ చేయాలని చూస్తున్నారు. ఇక స్టార్ కాస్టింగ్ విషయానికి వస్తే, ‘బాహుబలి’ సిరీస్ తో మంచి గుర్తింపు తెచ్చుకున్న రానా దగ్గుబాటిని ఈ మూవీలో విలన్ గా పెట్టుకోవాలని చూస్తున్నారు. ఇప్పటికే ఈ ప్రపోజల్ ని రానా వద్దకు తీసుకువెళ్లారు. అయితే రానా పర్సనాలిటికీ, చిరు పర్సనాలిటీకి చాలా తేడా ఉంటంది. యంగ్ హీరోలకి సంబంధించిన మూవీలో విలన్ అయితే రానా పాత్రకి మంచి గుర్తింపు వస్తుంది. కానీ చిరు సరసన విలన్ అంటే తన పాత్ర అంతగా ఎలివేట్ కాదని రానా భావిస్తున్నాడు. దీంతో చిరు మూవీలో తను నటించేది లేదు అని స్పష్టంగా చెప్పుకొచ్చారు. అంతా బాగానే ఉంది కానీ, ఆశకు కూడా హద్దు ఉండాలి, బాహుబలి ఎక్కడ, చిరు నటిస్తున్న 151ఎక్కడా? అంత గ్యాప్ తరువాత కూడా చిరుని అభిమానించడం ఎంత గొప్పతనం అని చెప్పావొచ్చో, అదే క్రమంలో బాహుబలి లాగా భారీగా రిలీజ్ ప్లాన్ చెయ్యడం అంటే కామెడీ అని చెప్పవచ్చు.

Also, do SUBSCRIBE to our YouTube channel to get latest Tollywood updates.