మొన్నీమధ్యే నాగార్జున ‘లెనిన్’ స్టేజీ మీద కాస్త కోపంతో ‘ఎందుకు మనం అనుకున్న సమయానికి సినిమాను రిలీజ్ చేయలేకపోతున్నాం’ అని అన్నారు. ఈ క్రమంలో తనను తాను కూడా ప్రశ్నించుకున్నారు. దీంతో తెలుగు సినిమా జనోర్ధారకులు కొంతమంది నాగార్జున పెద్ద హీరోల సినిమాల గురించే అన్నారు. స్టార్ల సినిమాల గురించే అన్నారు. ఆయన మాటలు వారందరికీ చురకలు అంటూ ఓ వెర్షన్ ఎత్తుకున్నారు. అయితే పెద్ద హీరోల సినిమాలే కాదు.. కొత్త హీరోలు, పెద్ద హీరోలు అవ్వాలనుకుంటున్న హీరోల సినిమాలూ వాయిదాలు పడుతున్నాయి తాజాగా ఈ మాటను నిజం చేస్తూ దేవరకొండ హీరోల సినిమాలు వాయిదాల బాటలోనే నడుస్తున్నాయి.
సెప్టెంబరు 11న ‘రణబాలి’ సినిమాను రిలీజ్ చేస్తామని సినిమా టీమ్ చాలా రోజుల క్రితమే ప్రకటించింది. అయితే ఇప్పుడున్న పరిస్థితి చూస్తుంటే ఆ డేట్కి సినిమా రావడం కష్టమే అనిపిస్తోంది. సినిమా షూటింగ్ ఇంకా పెండింగ్ ఉండటం వల్ల ఇప్పట్లో సినిమా అవ్వదని.. మరో డేట్ కోసం చూస్తున్నారు అని టాక్. అంతేకాదు ఆ డేట్కి తన తమ్ముడి సినిమా ‘ఎపిక్’ని తీసుకొచ్చే పనులు కూడా జరుగుతున్నాయట. ‘90స్ మిడిల్ క్లాస్’ వెబ్ సిరీస్ ఫేమ్ ఆదిత్య హాసన్ దర్శకత్వంలో ఆనంద్ దేవరకొండ, వైష్ణవి చైతన్య చేస్తున్న సినిమా ఇది.
అలా అని ఈ సినిమా ఏమన్నా నేరుగా అదే డేట్ అనుకొని వస్తుందా అంటే లేదు. ఈ సినిమా చాలా రోజుల నుండి వాయిదా పడుతూనే ఉంది. దానికి వేరే సినిమా (లెనిన్) కారణం అనుకోండి. ఈ సినిమా అటుంచితే ఇప్పుడు ‘రణబాలి’ లేట్ అయితే.. ఆ ఎఫెక్ట్ ఆ తర్వాత విజయ్ నుండి రానున్న సినిమా ‘రౌడీ జనార్ధన’ మీద పడుతుంది. ఆ సినిమాను డిసెంబరులో తీసుకొద్దాం అనుకున్నారు. అప్పుడు రాకపోతే సంక్రాంతికో లేక జనవరి ఎండింగ్కో రావాల్సి ఉంటుంది. దీంతో దేవరకొండ బ్రదర్స్ వాయిదాలు కంటిన్యూ అవుతాయి.
