దగ్గుబాటి ఫ్యామిలీ నుంచి ఇప్పటివరకు వెంకటేష్, రానాలు హీరోలుగా వచ్చారు. వీరిద్దరూ కూడా తమ పెర్ఫార్మన్స్ తో ఎందరో అభిమానులను సంపాదించుకున్నారు. ఇప్పుడు ఈ ఫ్యామిలీ నుంచి మరో హీరోని ఇంట్రడ్యూస్ చేయబోతున్నారు. సురేష్ బాబు రెండో కుమారుడు, రానా తమ్ముడు దగ్గుబాటి అభిరామ్ ను హీరోగా పరిచయం చేయడానికి రంగం సిద్ధమవుతోంది. దర్శకుడు తేజ రూపొందించిన ‘అహింస’ అనే సినిమాతో అభిరామ్ ఎంట్రీ ఇవ్వబోతున్నారు. ఇప్పటికే ఈ సినిమా షూటింగ్ పూర్తయింది.
పోస్ట్ ప్రొడక్షన్ కార్యక్రమాలు కూడా దాదాపు పూర్తయినట్లే. అయితే ఈ సినిమాకి రావాల్సినంత బజ్ మాత్రం రావడం లేదు. దీంతో రానా రంగంలోకి దిగారు. రిలీజ్ డేట్, ప్రమోషన్స్ అన్నీ కూడా రానా డిసైడ్ చేయాల్సిందేనట. ప్రస్తుతం తమ్ముడి సినిమా కోసం నాన్నతో కలిసి బెస్ట్ రిలీజ్ డేట్ సెలెక్ట్ చేసే పనిలో ఉన్నారట రానా. తాజాగా ట్రైలర్ ను తన స్నేహితుడు రామ్ చరణ్ తో సోషల్ మీడియాలో రిలీజ్ చేయించారు రానా.
అలానే ఈ సినిమా ప్రమోషన్స్ కోసం ఇంకా తన స్నేహితులు కొంతమంది సాయం తీసుకోబోతున్నారు. ప్రీరిలీజ్ ఈవెంట్ కి పెద్ద సెలబ్రిటీను తీసుకొచ్చే ప్లానింగ్ లో ఉన్నారు రానా. ఇప్పటికే ‘అహింస’ సినిమాను కొందరికి చూపించి వారి నుంచి ఫీడ్ బ్యాక్ కూడా తీసుకున్నారట రానా. నిజానికి ప్రొడక్షన్ హౌస్ ఆనంది ఆర్ట్స్ అయినప్పటికీ… సురేష్ బాబు, రానా ఈ సినిమా విషయంలో స్పెషల్ కేర్ తీసుకుంటున్నారు.
ముఖ్యంగా రానానే ఎక్కువ కేర్ తీసుకుంటున్నట్లు తెలుస్తోంది. ఫిబ్రవరి చివరో లేదా మార్చిలో ఈ సినిమా రిలీజ్ అయ్యే ఛాన్స్ ఉంది. ఇక రానా సినిమాల విషయానికొస్తే.. ఆయన చివరిగా ‘విరాటపర్వం’ సినిమాతో ప్రేక్షకుల ముందుకొచ్చారు. ఈ సినిమా ఆశించిన స్థాయిలో సక్సెస్ కాలేదు. రానా, వెంకటేష్ కలిసి నటించిన ‘రానా నాయుడు’ వెబ్ సిరీస్ త్వరలోనే ఓటీటీలో రిలీజ్ కానుంది.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
