Rang De Movie: బుల్లితెరపై నితిన్ హవా!

July 1, 2021 / 10:09 PM ISTByFilmy Focus

Join Us

నితిన్ కెరీర్ ‘భీష్మ’ సినిమా బిగ్గెస్ట్ హిట్ గా నిలిచింది. విమర్శకుల నుండి మంచి ప్రశంసలు దక్కించుకుంది. ‘రంగ్ దే’ సినిమాతో పోలిస్తే రెవెన్యూ పరంగా కూడా ‘భీష్మ’ మంచి కలెక్షన్స్ రాబట్టింది. అలాంటిది ఇప్పుడు ‘రంగ్ దే’ సినిమా ‘భీష్మ’ను మించిపోయింది. వరల్డ్ టెలివిజన్ ప్రీమియర్ గా జీ తెలుగు ఛానెల్ లో రీసెంట్ గా ‘రంగ్ దే’ సినిమాను ప్రసారం చేశారు. ఈ సినిమాకి ఏకంగా 7. టీఆర్ఫీ రావడం విశేషం.

నిజానికి ఈ సినిమాలు టీవీలో ప్రసారం చేయడానికి ముందే జీ5 యాప్ లో స్ట్రీమింగ్ కు పెట్టారు. థియేటర్లలో మిస్ అయిన వాళ్లంతా ఓటీటీలో చూసేసారు. అయినప్పటికీ టీవీలో ఈ సినిమాకి మంచి రేటింగ్ వచ్చింది. నితిన్ కెరీర్ లో బ్లాక్ బస్టర్ గా నిలిచిన ‘భీష్మ’ సినిమాను జెమినీ ఛానెల్ లో ప్రసారం చేస్తే.. 6.65 రేటింగ్ మాత్రమే వచ్చింది. టీఆర్ఫీ పరంగా ‘భీష్మ’ సినిమాతో పోల్చి చూసుకుంటే ‘రంగ్ దే’ సినిమాదే పైచేయి.

బ్లాక్ బస్టర్ అయిన ‘భీష్మ’ సినిమా కంటే యావరేజ్ గా ఆడిన ‘రంగ్ దే’ సినిమాకే టీవీలో ఎక్కువ మార్కులు పడ్డాయి. నితిన్-కీర్తి సురేష్ జంటగా నటించిన ఈ సినిమాకి వెంకీ అట్లూరి దర్శకత్వం వహించారు. అయితే ఈ సినిమాకి ఆశించిన స్థాయిలో రెస్పాన్స్ రాలేదని నిరాశ పడ్డ యూనిట్ కి టీవీ టీఆర్ఫీ రేటింగ్ కాస్త ఊరటనిచ్చింది.