నితిన్, కీర్తి సురేష్ జంటగా నటించిన తాజా చిత్రం ‘రంగ్ దే’. వెంకీ అట్లూరి డైరెక్షన్లో తెరకెక్కుతోన్న ఈ చిత్రాన్ని ‘సితార ఎంటర్టైన్మెంట్స్’ బ్యానర్ పై సూర్య దేవర నాగ వంశీ నిర్మిస్తున్నాడు. ఇప్పటికే విడుదల చేసిన వీడియో గ్లింప్స్ మరియు పాటలకు మంచి స్పందన లభించింది. దాంతో ఈ సినిమా ఎలాగైనా హిట్ అవుతుంది అని నితిన్ అభిమానులు కోరుకుంటున్నారు. ఫిబ్రవరిలో నితిన్ నుండీ వచ్చిన ‘చెక్’ చిత్రం ఘోరపరాజయం పాలయ్యింది.
సినిమాకి మంచి టాక్ వచ్చినప్పటికీ… కమర్షియల్ ఫెయిల్యూర్ గా మిగిలింది. అందుకే మార్చి 26న విడుదల కాబోతున్న ‘రంగ్ దే’ పై బోలెడు ఆశలు పెట్టుకున్నారు నితిన్ అభిమానులు. పేరుకి తగ్గట్టుగానే ఆ చిత్రం కూడా హోలీ కానుకగా విడుదల కాబోతుంది. ఈ చిత్రానికి సంబంధించి ఓ ఇంట్రెస్టింగ్ వార్త ఇప్పుడు ఫిలింనగర్లో చక్కర్లు కొడుకుతుంది. అందేంటంటే.. ‘రంగ్ దే’ మూవీ చాలా బాగా వచ్చిందట. ఇటీవల ఈ చిత్రం రషెస్ చూసిన ఇండస్ట్రీ పెద్దలు కచ్చితంగా ఇది సూపర్ హిట్ అవుతుంది అని కితాబిచ్చారట.
నితిన్, కీర్తి సురేష్ ల నటన.. పి.సి.శ్రీరామ్ సినిమాటోగ్రఫీ సినిమాకే హైలెట్స్ గా నిలుస్తాయని వారు చెప్పినట్టు తెలుస్తుంది.వెంకీ అట్లూరి ‘తొలిప్రేమ’ చిత్రంలానే ‘రంగ్ దే’ ను కూడా అందంగా మలిచినట్టు కూడా ప్రశంసించారట.ఈ చిత్రం సూపర్ హిట్ అవుతుంది అని భావించే కాస్త అనుమానంగా అనిపించిన ‘చెక్’ చిత్రాన్ని ముందుగా థియేటర్లలోకి వదిలారనే టాక్ కూడా ఇండస్ట్రీలో నడుస్తుండడం విశేషం.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
