Ranga Ranga Vaibhavanga Trailer: ఇగోతో కూడిన రామ్-కామ్ ఎంటర్టైనర్.. !

‘ఉప్పెన’ కొండపొలం’ వంటి చిత్రాల తర్వాత మెగా మేనల్లుడు పంజా వైష్ణవ్ తేజ్ నటిస్తున్న చిత్రం ‘రంగ రంగ వైభవంగా’. ‘అర్జున్ రెడ్డి’ చిత్రాన్ని తమిళంలో ‘ఆదిత్య వర్మ’ గా రీమేక్ చేసిన గిరీశాయ ఈ చిత్రానికి దర్శకుడు. ‘రొమాంటిక్’ ఫేమ్ కేతిక శర్మ హీరోయిన్ గా నటిస్తున్న ఈ చిత్రాన్ని ‘శ్రీ వెంకటేశ్వర సినీ చిత్ర’ బ్యానర్ పై బి.వి.ఎస్.ఎన్ ప్రసాద్ ఈ చిత్రాన్ని నిర్మిస్తున్నారు. సెప్టెంబర్ 2న ఈ మూవీ ప్రేక్షకుల ముందుకు రానుంది.

ఇప్పటికే విడుదల చేసిన టీజర్, పాటలు వంటి వాటికి మంచి స్పందన లభించింది.తాజాగా ట్రైలర్ ను కూడా విడుదల చేశారు. రామ్-కామ్ ఎంటర్టైనర్ గా ఈ మూవీ రూపొందినట్లు ట్రైలర్ చూస్తే అర్ధమవుతుంది. బాల్యంలో ఓ చిన్న గొడవ వచ్చి విడిపోయిన హీరో- హీరోయిన్లు ఇగోతో నిత్యం కొట్టుకుంటూ ఉంటారు. విచిత్రం ఏంటి అంటే ఇగోతోనే ఒకరినొకరు ప్రేమించుకుంటారు. చాలా కాలం తర్వాత ప్రభు తెలుగు సినిమాలో కనిపించబోతున్నాడు. కామెడీ కూడా వర్కౌట్ అయ్యేలా కనిపిస్తుంది.

‘ఆనందం’ ‘నువ్వు లేక నేను లేను’ ‘100 % లవ్’ ‘రంగ్ దే’ వంటి సినిమాల ఛాయలు కనిపిస్తున్నప్పటికీ ట్రైలర్ మాత్రం ఆకట్టుకునే విధంగానే ఉంది. యూత్ కు, ఫ్యామిలీ ఆడియన్స్ కు కావాల్సిన అన్ని ఎలిమెంట్స్ ఈ మూవీలో ఉన్నట్టు ట్రైలర్ అంచనాలు క్రియేట్ చేస్తుంది. హీరో, హీరోయిన్లు ఇద్దరికీ ఇది మూడో చిత్రం కావడం విశేషం. దేవి శ్రీ ప్రసాద్ అందించిన నేపథ్య సంగీతం కూడా ట్రైలర్ కు హైలెట్ గా నిలిచింది. ఇంకెందుకు లేటు ట్రైలర్ ను మీరు కూడా ఓ లుక్కేయండి :

‘సీతా రామం’ చిత్రానికి సంబంధించి బెస్ట్ డైలాగ్స్..!

తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?