మంచి కథ ఉంటే మెగాస్టార్ వారసుడు రామ్ చరణ్ తేజ్ ఏ విధంగా రెచ్చిపోతారో రంగస్థలం సినిమాలో చూపించారు. సినిమా మొత్తాన్ని తన భుజాన వేసుకొని రికార్డుల తీరం దాటించారు. సుకుమార్ దర్శకత్వంలో రూపుదిద్దుకున్న ఈ మూవీ మార్చి 30న రిలీజ్ అయి కలక్షన్ల వర్షం కురిపిస్తోంది. సమంత రామలక్ష్మిగా మెప్పించిన ఈ మూవీ తొలివారంలో ప్రపంచ వ్యాప్తంగా మొత్తం 130 కోట్ల (గ్రాస్ )వసూలు చేసి రికార్డు సృష్టించింది. షేర్ కూడా బలంగానే రాబట్టింది. తెలుగురాష్ట్రాల్లోనే కాకుండా ఓవర్సీస్ లోను భారీ వసూళ్లు రాబడుతోంది. ఓవర్సీస్ లో ఇప్పటివరకు అత్యధిక కలక్షన్స్ సాధించిన మూడవ తెలుగు చిత్రంగా రికార్డు సృష్టించింది.
బాహుబలి 1 ($ 6.8M), బాహుబలి 2 ($ 11.8M) అత్యధిక వసూళ్లు రాబట్టిన చిత్రాలుగా మొదటి రెండు స్థానాల్లో ఉన్న సంగతి తెలిసిందే. ప్రీమియర్ షోల నుంచే దూకుడు ప్రదర్శించిన రంగస్థలం ఇప్పటివరకు 3 .7 మిలియన్ల డాలర్లను రాబట్టింది. 2 .89 మిలియన్ డాలర్లతో మూడవస్థానంలో ఉన్న మహేష్ మూవీ శ్రీమంతుడు ని వెనక్కి నెట్టి ఆ స్థానాన్ని కైవశం చేసుకుంది. ఓవర్సీస్ లో వచ్చేవారం వరకు రంగస్థలం జోరు కనబరచనుంది. ప్రపంచవ్యాప్తంగా ఈ చిత్రం 150 కోట్ల గ్రాస్ ని త్వరలోనే చేరుకోబోతోంది.
