Cirkus Trailer: మనిషి జనరేటర్‌ అయితే.. ‘సర్కర్‌’ ట్రైలర్‌ చూశారా..!

రోహిత్‌ శెట్టి సినిమా అంటే.. రెండు గ్యారెంటీ ఒకటి నవ్వులు, రెండోది సౌత్‌ సినిమాల రిఫరెన్స్‌. తాజాగా రోహిత్‌ శెట్టి నుండి ఓ సినిమా సిద్ధమవుతోంది. రణ్‌వీర్‌ సింగ్‌ సినిమా అంటే రెండు విషయాలు పక్కా.. ఒకటి ఫుల్‌ జోష్‌, రెండోది యాక్షన్‌. అలాంటి ఇద్దరూ కలిస్తే ఎలా ఉంటుంది చెప్పండి. అదిరిపోతుంది కదా. అలాంటి కాంబినేషన్‌లో రూపొందిన చిత్రం ‘సర్కస్‌’. బాలీవుడ్‌ చాలా రోజులుగా ఈగర్‌గా వెయిట్‌ చేస్తున్న సినిమా ఇది.

‘గోల్‌మాల్’ సిరీస్‌, ‘బోల్‌ బచ్చన్‌’, ‘చెన్నై ఎక్స్‌ప్రెస్‌’, ‘సింగం’ సిరీస్‌, ‘దిల్‌ వాలే’ ‘సింబా’, ‘సూర్యవంశీ’, లాంటి యాక్షన్‌ కామెడీ సినిమాలతో అదరగొట్టారు రోహిత్‌ శెట్టి. రణ్‌వీర్‌ సింగ్‌తో గతంలో ‘సింబా’ లాంటి సినిమా చేశాడు. ఇప్పుడు రణ్‌వీర్‌తో కలసి మరోసారి తన మార్క్‌ సినిమా తీసుకొచ్చాడు. అదే ‘సర్కస్‌’. ఈ సినిమాలో రణ్‌వీర్‌ సరసన పూజా హెగ్డే, జాక్వెలైన్‌ ఫెర్నాండేజ్‌ నటిస్తున్నారు. ఈ సినిమాను 1960 అండ్‌ 2020 కాన్సెప్ట్‌లో తెరకెక్కించారు.

ఈ సినిమాలో రణ్‌వీర్‌ సరసన ప్రత్యేక గీతంలో దీపికా పడుకొణె నటిస్తోంది. డిసెంబర్‌ 23న క్రిస్మస్‌ కానుకగా ‘సర్కస్‌’ను ప్రేక్షకుల ముందుకు తీసుకొస్తున్నారు. రణ్‌వీర్‌తోపాటు, వరుణ్‌ కూడా డ్యూయల్‌ రోల్‌లో కనిపించబోతున్నాడు. కరెంటును ముట్టుకున్నా షాక్‌ కొట్టని ట్రాన్స్‌ఫార్మర్‌ అనే ఓ వింత క్యారెక్టర్‌లో రణ్‌వీర్‌ నటించాడు. 1982లో వచ్చిన ‘అంగూర్‌’ సినిమా ఆధారంగా ఈ ‘సర్కస్‌’ సినిమా తెరకెక్కింది. అయితే 1968లో వచ్చిన ‘దో దూనీ చార్‌’ అనే సినిమాకు ‘అంగూర్‌’ కాగా, ఇప్పుడు మళ్లీ ‘సర్కస్‌’ పేరుతో తీశారన్నమాట.

గతంలో వచ్చిన సినిమాలు చూడని వాళ్లకు ఈ సినిమా కొత్తగా ఉంటుంది అంటున్నారు. అయితే గతంలో సినిమా చూసినవాళ్లు కూడా రణ్‌వీర్‌ సింగ్‌ ఎనర్జటిక్‌ యాక్షన్‌తో కొత్తగా కనిపిస్తుంది అంటున్నారు. అలాగే ముగ్గురు ముద్దుగుమ్మలతో సినిమా ఇంకా కలర్‌ ఫుల్‌గా ఉంటుంది అని చెబుతున్నారు. ఈ సినిమాను సౌత్‌లోనూ పెద్ద ఎత్తున రిలీజ్‌ చేయాలని చూస్తున్నారు.

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!