ఈ మధ్యకాలంలో నటీనటులు సరికొత్త పాత్రల్లో కనిపించడానికి ఆసక్తి చూపిస్తున్నారు. ఏరికోరి మరీ ప్రత్యేకమైన పాత్రల్లో మెప్పిస్తున్నారు. ఎన్టీఆర్, రామ్ చరణ్ లాంటి తారలు కూడా నత్తి, చెవిటి వంటి ఛాలెంజింగ్ రోల్స్ లో నటించి.. ప్రేక్షకులను మెప్పించారు. గతేడాది విడుదలైన ‘అల.. వైకుంఠపురములో’ సినిమాలో నటుడు మురళీశర్మ అవిటివాడిగా నటించి మంచి గుర్తింపు తెచ్చుకున్నాడు. ఇప్పుడు క్యారెక్టర్ ఆర్టిస్ట్ రావు రమేష్ కూడా ఇలాంటి ఓ ఛాలెంజింగ్ పాత్రలో కనిపించబోతున్నారు.
‘ఆర్ఎక్స్ 100’ సినిమాతో సెన్సేషన్ క్రియేట్ చేసిన దర్శకుడు అజయ్ భూపతి ‘మహా సముద్రం’ అనే సినిమాను తెరకెక్కిస్తోన్న సంగతి తెలిసిందే. శర్వానంద్, సిద్ధార్థ్ హీరోలుగా నటిస్తోన్న ఈ సినిమాలో రావు రమేష్ నెగెటివ్ షేడ్స్ ఉన్న క్యారెక్టర్ లో కనిపించబోతున్నారు. అయితే ఆయన పాత్ర ప్రత్యేకంగా ఉండేలా రాసుకున్నాడు దర్శకుడు అజయ్ భూపతి. కథ ప్రకారం రావు రమేష్.. ఓ గూనివాడి పాత్రలో కనిపిస్తాడట.
రావు రమేష్ తన కెరీర్ లో ఎన్నో వైవిధ్యమైన పాత్రలు పోషించారు. ఇప్పుడు మరో డిఫరెంట్ రోల్ లో మెప్పించడానికి సిద్ధమవుతున్నారు. ఈ పాత్రలో ఆయన ఎలా కనిపించబోతున్నారనే విషయం ఆసక్తికరంగా మారింది. అతిథి రావు హైదరి, అను ఇమ్మాన్యుయేల్ హీరోయిన్లుగా నటిస్తోన్న ఈ సినిమాలో జగపతిబాబు మరో కీలకపాత్రలో కనిపించనున్నారు. ప్రస్తుతం ఈ సినిమా షూటింగ్ వైజాగ్ లో జరుగుతోంది. ఈ షెడ్యూల్ లో హీరోలపై కీలక సన్నివేశాలను చిత్రీకరిస్తున్నారు.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home