కెజిఎఫ్ లో రావు రమేష్ రోల్ ఏమై ఉంటుంది?

తెలుగు చిత్రాలలో క్యారెక్టర్ ఆర్టిస్ట్ గా విలన్ గా దూసుకుపోతున్నారు నటుడు రావు రమేష్. విలక్షణ డైలాగ్ డెలివరీ, వైవిధ్యమైన బాడీ లాంగ్వేజ్ , కట్టిపడేసే నటన ఆయన సొంతం. రావు గోపాలవరావు వారసుడిగా సినీ ఎంట్రీ ఇచ్చిన రమేష్ తండ్రికి తగ్గ తనయుడు అనిపించుకుంటున్నాడు. ఇటీవల ఆయన నటించిన ప్రతిరోజు పండగే చిత్రంలో రావు రమేష్ పాత్ర ఎంత హైలైట్ అయ్యిందో చూశాం. ఆ సినిమాని ఆయన పాత్ర లేకుండా ఉహించుకోలేం అన్నట్లుగా ఆయన నటన కొనసాగింది. కాగా రావు రమేష్ దేశవ్యాప్తంగా ఆసక్తిగా ఎదురుచూస్తున్న కెజిఎఫ్ చాప్టర్ 2లో నటిస్తున్నారు.

గతంలోనే కెజిఎఫ్ 2 లో రావు రమేష్ ఓ కీలక పాత్ర చేస్తున్నారంటూ వార్తలు వచ్చినప్పటికీ స్పస్టత రాలేదు. తాజాగా ఆయన కెజిఎఫ్ దర్శకుడు ప్రశాంత్ నీల్ తో కనిపించారు. అలాగే దీనిపై విశ్వసనీయ సమాచారం కూడా అందుతుంది. దీనితో కెజిఎఫ్ 2లో రావు రమేష్ నటిస్తున్నారనే విషయం బహిర్గతం అయ్యింది. మరి ఆయన ఈ చిత్రంలో విలన్ రోల్ చేస్తున్నారా లేక హీరోకి సపోర్టింగ్ రోల్ చేస్తున్నారా అనేది తెలియాలి. కెజిఎఫ్ చిత్రీకరణ చివరి దశకు చేరింది. త్వరలో నిర్మాణాంతర కార్యక్రమాలు మొదలుకానున్నాయి. జులై లో కెజిఎఫ్ 2 విడుదలయ్యే అవకాశం కలదు. యాష్ హీరోగా నటిస్తున్న ఈ చిత్రంలో సంజయ్ దత్, రవీనా టాండన్, శ్రీనిధి శెట్టి నటిస్తున్నారు.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!