అచ్చమైన తెలుగు కథా చిత్రం “రారండోయ్ వేడుక చూద్దాం”

సాంకేతిక పరంగా ఎంత అభివృద్ధి సాధించినా.. సంపాదనకు దేశాలు దాటినా .. మన ఊరు, మన వారు.. మన సంప్రదాయం అనేది మాత్రం ఎప్పటికి మరచిపోలేము. అలా మన కథలతో తెరకెక్కిన సినిమాలను మిస్ కాకుండా చూస్తాం. అందులో మనసుకు నచ్చే ఒక్క అంశం ఉన్నా విజయాన్ని అందిస్తాం. అటువంటి అచ్చమైన తెలుగు సినిమా “రారండోయ్ వేడుక చూద్దాం”. సోగ్గాడే చిన్నినాయనా తర్వాత కల్యాణ్ కృష్ణ డైరక్ట్ చేసిన ఈ సినిమా వేడుకను మనకళ్ల ముందు ఆవిష్కరించనుంది. మామిడి ఆకులు, బంతి పువ్వులు, అమ్మాయిల నవ్వులు.. ఇలా ఒకటేమిటి ప్రతి ప్రేమ్ లో తెలుగు అందాలను, అనుబంధాలను ఈ మూవీలో నింపినట్లు నేడు రిలీజ్ అయిన థియేట్రికల్ ట్రైలర్ స్పష్టం చేసింది. నాగ చైతన్య, రకుల్ ప్రీత్ సింగ్ హీరో హీరోయిన్లుగా యువతను కట్టిపడేస్తుంటే జగపతి బాబు, సంపత్ లు తమ నటనతో ఫ్యామిలీ ఆడియన్స్ ని ఆకట్టుకోనున్నట్లు తెలుస్తోంది.

ఇక నవ్వులు కొరత లేదు. వెన్నెల కిషోర్ కామెడీ సామెతలు, పృద్విరాజ్ అమాయక ఎక్స్ ప్రెషన్లు, పోసాని కృష్ణమురళి, తాగుబోతు రమేష్ ల పంచ్ డైలాగులు థియేటర్ ని నవ్వులతో నింపనుంది. అన్నపూర్ణ స్టూడియోస్ బ్యానర్లో నాగార్జున నిర్మించిన  “రారండోయ్ వేడుక చూద్దాం” సినిమాకి దేవీ శ్రీ ప్రసాద్ కంపోజ్ చేసిన పాటలు వెండితెరపైన మరింత బాగా ఉండనున్నాయి. అందరికీ నచ్చుతుందని నాగార్జున ఎంతో నమ్మకంగా ఉన్న ఈ మూవీ ఈనెల 26 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.