సంక్రాంతి భామలు.. ఇప్పుడు తిరుగులేని హీరోయిన్ లు..!

సాధారణంగా సినీ ఇండస్ట్రీలో హీరోయిన్ల లైఫ్ టైం బాగా తక్కువ. వాళ్ళకి క్రేజ్ వస్తే గట్టిగా ఐదేళ్లు మాత్రమే ఇండస్ట్రీలో చలామణి అయ్యే అవకాశం ఉంటుంది. అయితే స్టార్ హీరో సినిమా అంటే స్టార్ హీరోయిన్ నే పెట్టుకోవాలి.. అవసరమైతే బాలీవుడ్ నుండీ దించాలి అనే పరిమితులు కూడా ఇప్పటి దర్శకనిర్మాతలు పెట్టుకోవడం లేదు. ఇక్కడ మీడియం హీరోలతో సినిమాలు చేసి హిట్లు అందుకున్న భామల్నే వారు ఎంచుకుంటున్నారు. అలాంటిది స్టార్ హీరోలతో చేసి బ్లాక్ బస్టర్లు కొట్టిన హీరోయిన్ల గురించి అయితే ఇక ప్రత్యేకంగా చెప్పనక్కర్లేదు. వాళ్ళే దర్శక నిర్మాతలకి ఫస్ట్ ఛాయిస్ అయిపోతారు. ఇప్పుడు సరిగ్గా అదే ప్లేస్ లో ఉన్నారు పూజా హెగ్డే, రష్మిక.

పూజా హెగ్దే ఎలాగూ స్టార్ హీరోయిన్ అయిపొయింది. మొదట్లో మీడియం రేంజ్ ఉన్న హీరోలతో సినిమాలు చేసిన ఈ బ్యూటీ తర్వాత బాలీవుడ్ చెక్కేసింది. అక్కడ మొదటి చిత్రంతోనే ఎపిక్ డిజాస్టర్ అందుకోవడంతో ఈమెను అక్కడ ఎవ్వరూ పట్టించుకోలేదు. దీంతో మళ్ళీ టాలీవుడ్ వచ్చేసి అల్లు అర్జున్ తో ‘డీజె’ సినిమా చేసింది. ఈ చిత్రం యావరేజ్ గా నిలిచినప్పటికీ.. ఈమెకు అవకాశాలు మాత్రం క్యూ కట్టాయి. వరుసగా ఎన్టీఆర్, మహేష్ బాబు, ప్రభాస్ వంటి హీరోల సినిమాల్లో చేసే అవకాశం దక్కించుకుంది. ఇప్పుడు మరోసారి అల్లు అర్జున్ తో చేసిన ‘అల వైకుంఠపురములో’ చిత్రం బ్లాక్ బస్టర్ అవ్వడంతో ఈమె క్రేజ్ మరింత పెరిగింది. ఇప్పుడు దర్శక నిర్మాతల ఫస్ట్ ఛాయిస్ పూజ నే..! ఇక మరో బ్యూటీ రష్మిక మందన. ‘ఛలో’ ‘గీత గోవిందం’ చిత్రాలతో ఈమె గోల్డెన్ లెగ్ గా మారిపోయింది. ‘దేవదాస్’ ‘డియర్ కామ్రేడ్’ చిత్రాలు నిరాశపరిచినప్పటికీ ఈ సంక్రాంతికి విడుదలైన ‘సరిలేరు నీకెవ్వరు’ చిత్రంతో బ్లాక్ బస్టర్ అందుకుని మళ్ళీ ఫామ్లోకి వచ్చేసింది. ప్రస్తుతం అల్లు అర్జున్ హీరోగా సుకుమార్ డైరెక్షన్లో తెరకెక్కుతోన్న చిత్రంలో ఈమె హీరోయిన్ గా నటిస్తుంది. ఈ చిత్రం కూడా హిట్ అయితే ప్రస్తుతం పూజా హెగ్డే తరువాతి స్థానంలో ఉన్న ఈ బ్యూటీ ఆమెను మించే అవకాశం కూడా ఉంది. మరి వీరి హవా ఎన్నాళ్ళు కొనసాగుతుందో చూడాలి.

Most Recommended Video

అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు