ఆ సూపర్ స్టార్ సినిమాలో రష్మికకు ఛాన్స్..!

టాలీవుడ్ కు ఎంట్రీ ఇచ్చిన రెండేళ్ళకే స్టార్ హీరోయిన్ అయిపోయింది రష్మిక మందన. ‘ఛలో’ ‘గీత గోవిందం’ ‘దేవదాస్’ ‘డియర్ కామ్రేడ్’ వంటి క్రేజీ సినిమాలతో ప్రేక్షకులను అలరించిన రష్మిక… తరువాత ఏకంగా మహేష్ బాబు ‘సరిలేరు నీకెవ్వరు’ చిత్రంలో ఛాన్స్ కొట్టేసి అందరినీ ఆశ్చర్య పరిచింది. ఈ సంక్రాంతికి విడుదలైన ఈ చిత్రం బ్లాక్ బస్టర్ గా నిలిచింది. ఆ వెంటనే ‘భీష్మ’ చిత్రంతో మరో సూపర్ హిట్ ను తన ఖాతాలో వేసుకుంది రష్మిక.

ప్రస్తుతం అల్లు అర్జున్- సుకుమార్ కాంబినేషన్లో ‘పుష్ప’ చిత్రంలో కూడా ఈమె నటించబోతుంది. ఇక రష్మిక నటనకు.. ఎనర్జీకి మెచ్చి కోలీవుడ్ నుండీ కూడా ఈమెకు వరుస అవకాశాలు వస్తున్నాయి. ఇప్పటికే అక్కడ కార్తీ హీరోగా తెరకెక్కుతోన్న ‘సుల్తాన్’ చిత్రంలో హీరోయిన్ గా నటిస్తుంది. దాంతో పాటు తాజాగా మరో స్టార్ హీరో సినిమాలో అవకాశం దక్కించుకుందట. ఆ స్టార్ హీరో మరెవరో కాదు ఇళయదళపతి విజయ్. ఆయన హీరోగా తెరకెక్కుతోన్న సినిమాలో హీరోయిన్ గా రష్మికను ఫిక్స్ చేసినట్టు సమాచారం. అతి త్వరలో దీనికి సంబంధించి అధికారిక ప్రకటన రానుందని తెలుస్తుంది.

ఇక విజయ్ ప్రస్తుతం లోకేష్ కనగరాజన్ డైరెక్షన్లో ‘మాష్టర్’ సినిమా చేసాడు. లాక్ డౌన్ కారణంగా ఈ చిత్రం విడుదల ఆగిపోయింది. లాక్ డౌన్ తరువాత ఈ చిత్రం విడుదలయ్యే అవకాశాలు కనిపిస్తున్నాయి. ఇక ఈ చిత్రం పూర్తయ్యాక మురుగదాస్ డైరెక్షన్లో విజయ్ ఓ చిత్రం చెయ్యబోతున్నాడు. బహుశా ఆ చిత్రంలోనే రష్మిక నటించబోతుందా? అనేది తెలియాల్సి ఉంది.

Most Recommended Video

పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!