బాలివుడ్ కోసం మరో ఇల్లు కొనేసిన రష్మిక?

ఛలో సినిమాతో గ్రాండ్ గా ఎంట్రీ ఇచ్చి పవర్ఫుల్ బాక్సాఫీస్ హిట్స్ అందుకుంటున్న కన్నడ భామ రష్మిక మందన్న ఏ ఇండస్ట్రీని వదిలి పెట్టడం లేదు. ఆమె తప్పకుండా నేషనల్ లెవెల్లో క్రేజ్ అందుకుంటుందని ఛలో దర్శకుడు ఏ క్షణాన అన్నాడో గాని అదే నిజమవుతోంది. వరుసగా బాక్సాఫీస్ హిట్స్ అందుకోవడమే కాకుండా బాలీవుడ్ కోలీవుడ్ అంటూ అగ్ర హీరోలతో ఆఫర్స్ అందుకుంటోంది.
తెలుగులో గత ఏడాది సరిలేరు నీకెవ్వరు,

భీష్మ సినిమాలతో బాక్సాఫీస్ హిట్ కొట్టేసిన రష్మిక వెంటనే పాన్ ఇండియా ఆఫర్స్ అందుకున్న విషయం తెలిసిందే. అల్లు అర్జున్ పుష్ప సినిమాతో పాటు బాలీవుడ్ లో సిద్దార్థ్ మల్హోత్రా మిషన్ మజ్ను, అమితాబ్ బచ్చన్ డాడీ అనే సినిమాల్లో కూడా హీరోయిన్ గా ఛాన్స్ దక్కించుకుంది. ఇక ఈ బ్యూటీకి బాలీవుడ్ లో వరుసగా ఆఫర్స్ అందుతుండడంతో ఒక ఖరీదైన ఇల్లు కొనేసినట్లు తెలుస్తోంది. రానున్న రోజుల్లో బాలీవుడ్ లో బిజీ అయ్యే ఛాన్స్ లేకపోలేదు కాబట్టి మిగతా హీరోయిన్స్ మాదిరిగానే ముంబై నగరంలో కాస్ట్లీ హౌజ్ చూసుకుందట.

ఇక ఇప్పటికే పూజా హెగ్డే బీ టౌన్ లో ఒక ఫ్లాట్ కొనేసి మకాం వేసేసింది. ఇక రష్మిక పుష్పతో పాటు తెలుగులో మరో రెండు సినిమాలు చేస్తోంది. శర్వానంద్ ఆడాళ్ళు మీకు జోహార్లు అనే సినిమాతో పాటు మెగా పవర్ స్టార్ రామ్ చరణ్ – శంకర్ కాంబినేషన్ లో రానున్న సినిమాలో కూడా మెయిన్ హీరోయిన్ గా సెలెక్ట్ అయ్యే ఛాన్స్ ఉన్నట్లు తెలుస్తోంది.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!