కన్నడ బ్యూటీ రష్మిక టాలీవుడ్ లో స్టార్ హీరోయిన్ గా ఎదిగింది. వరుసపెట్టి స్టార్ హీరోల సినిమాల్లో ఛాన్స్ లు దక్కించుకుంటూ బిజీ హీరోయిన్ గా మారింది. గతేడాది ‘సరిలేరు నీకెవ్వరు’, ‘భీష్మ’ సినిమాలతో హిట్టు సినిమాలు తన ఖాతాలో వేసుకుంది. ఇప్పుడు బాలీవుడ్ లో కూడా ఎంట్రీ ఇస్తోంది ఈ బ్యూటీ. సిద్ధార్థ్ మల్హోత్రా నటిస్తోన్న ‘మిషన్ మజ్ను’ సినిమాలో రష్మికను హీరోయిన్ గా ఎన్నుకున్నారు. సినిమా అవకాశాలు పెరగడంతో ఆమె ఆదాయం కూడా బాగా పెరిగింది.
తాజాగా ఖరీదైన రేంజ్ రోవర్ కారుని కొనుగోలు చేసింది రష్మిక. బుధవారం నాడు హైదరాబాద్ నుండి ముంబైకి బయలుదేరిన రష్మిక.. తన ఇంటి నుండి శంషాబాద్ ఎయిర్ పోర్ట్ కు బయలుదేరుతూ కొత్త కారు ముందు నిల్చొని కెమెరాలకు ఫోజులిచ్చారు. ఆ ఫోటోలను సోషల్ మీడియాలో షేర్ చేస్తూ.. ఇదంతా తనను ఆదరించిన ప్రేక్షకుల వలనే సాధ్యమైందని ఎమోషనల్ మెసేజ్ పెట్టింది. తనకు సంబంధించిన వస్తువులు ఎవరికీ చూపించనని.. కానీ ఇప్పుడు కారు కొన్న విషయాన్ని ప్రేక్షకులతో షేర్ చేసుకోవాలని అనుకున్నట్లు చెప్పింది. ఎందుకంటే ఈ ప్రయాణంలో మీరు కూడా భాగమే అంటూ చెప్పుకొచ్చింది.
ఇలాంటి కారు కొనుగోలు చేస్తానని ఎప్పుడూ అనుకోలేదని.. కానీ ఈరోజు ఈ కారులో ఎయిర్ పోర్ట్ కి వెళ్తున్నట్లు చెప్పింది. మనం ఏం సాధించామో చెప్పడానికి రెండు నిమిషాలు కేటాయించి ఫోటో దిగి మీతో షేర్ చేసుకున్నానంటూ తెలిపింది. తన కష్టాన్ని గుర్తిస్తున్న ప్రేక్షకులకు, తన ప్రయాణంలో భాగమైన వారందరికీ ధన్యవాదాలు చెప్పింది. ప్రేక్షకులకు ఎప్పటికీ రుణపడి ఉంటానని చెప్పుకొచ్చింది. ప్రస్తుతం ఈమె ‘పుష్ప’ సినిమాలో నటిస్తోంది. షూటింగ్ దశలో ఉన్న ఈ సినిమాను ఈ ఏడాదిలోనే రిలీజ్ చేయాలనుకుంటున్నారు.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
