ప్రస్తుతం తెలుగు యువత కలవరిస్తున్న హీరోయిన్స్ జాబితాలో కన్నడ బ్యూటీ రష్మిక పేరు ముందుంది. రెండు సినిమాలకే ఆమె అభిమాన నటిగా మారిపోయింది. చలో సినిమా ద్వారా తెలుగు చిత్ర పరిశ్రమలోకి అడుగుపెట్టిన ఈ బ్యూటీ.. గీత గోవిందంలో అందం, అభినయంతో మతులు పోగొట్టింది. డాన్స్ కూడా చాలా బాగా చేసింది. ఫుల్ క్రేజ్ సొంతంచేసుకుంది. ఆమె సినిమాల్లోనే కాదు కాలేజీ రోజులలో ఆమె డాన్స్ అంటే ఇష్టపడే వారి సంఖ్య ఎక్కువగానే ఉంది. ఆ విషయం తాజాగా వీడియో రూపంలో బయటపడింది. బెంగళూరు రామయ్య సైన్స్ అండ్ ఆర్ట్స్ కాలేజ్ లో గ్రాడ్యుయేషన్ పూర్తి చేసిన రష్మిక అక్కడ కాలేజ్ ఫెస్ట్ లో డ్యాన్స్ వేసింది.
“ధూమ్” సాంగ్ కు రష్మిక దుమ్మురేపే డ్యాన్స్ చేయగా తోటి విద్యార్థులు విజిల్స్, చప్పట్లతో ఆడిటోరియంని నింపేశారు. వేదికపై ఉన్న పెద్దలు కూడా రష్మిక డాన్స్ చూసి అభినందించారు. ఆ వీడియో ఇప్పుడు నెట్ లో హల్ చల్ చేస్తోంది. స్టడీ పూర్తి కాగానే మోడలింగ్ లోకి వెళ్లిన రష్మిక మాతృభాషలో సినిమా చేసి తెలుగువారి దృష్టిలో పడింది. ప్రస్తుతం నాని, నాగార్జున మల్టీస్టారర్ మూవీలో రష్మిక నాని సరసన నటిస్తోంది. శ్రీరామ్ ఆదిత్య దర్శకత్వంలో తెరకెక్కుతోన్న ఈ సినిమా వేగంగా షూటింగ్ జరుపుకుంటోంది. అలాగే భరత్ కమ్మ డైరెక్షన్లో “డియర్ కామ్రేడ్” అనే సినిమాలో మరోసారి విజయ్ దేవరకొండ తో రొమాన్స్ చేయనుంది.
