రేయ్ దయచేసి అంచనాలు పెంచకండిరా అంటున్న హీరోయిన్ రష్మిక

‘ఛలో’ సినిమాతో తెలుగు ప్రేక్షకులకి పరిచయమైంది రష్మిక. ఈ భామ ఆ తరువాత ‘గీత గోవిందం’, ‘దేవదాసు’ వంటి సినిమాల్లో నటించి మెప్పించగా ప్రస్తుతం హీరో విజయ్ దేవరకొండ తో ‘డియర్ కామ్రేడ్’, హీరో నితిన్ తో ‘బీష్మ’ అనే సినిమాలతో పాటు ఒక కన్నడ సినిమాలో కూడా నటిస్తుంది. ఇలా ఇప్పుడిపుడే వరుస ఆఫర్స్ మంచి క్రేజ్ తెచ్చుకోవాలని చూస్తున్నా ఈమె పైన కొందరు తెగ రూమర్స్ క్రియేట్ చేస్తున్నారు. దీంతో వీటిపైన హీరోయిన్ రష్మిక ఇటీవలే స్పదించింది.

ఇక విషయంలోకి వెళితే, తమిళ్ టాప్ హీరో విజయ్ ఇటీవలే నటించిన ‘సర్కార్’ సినిమా బాక్సాఫీస్ ని షేక్ చేసిన విషయం తెలిసందే. ఈ సినిమా సక్సెస్ తో విజయ్ నెక్స్ట్ చేయబోయే సినిమాపైనే అందరిలో ఆసక్తి ఉంది. ఇక ఇప్పటికే తనకి రెండు సూపర్ హిట్స్ ఇచ్చిన అట్లీ డైరెక్షన్ లోనే విజయ్ తన నెక్స్ట్ సినిమా చేయబోతున్నాడని తెలుస్తుంది. ఈ సినిమాలో హీరోయిన్స్ ఎవరు అనేది అధికారిక ప్రకటన రానప్పటికీ కొందరు హీరో విజయ్ సినిమాలో రష్మిక హీరోయిన్ గా నటిస్తుందని ట్వీట్స్ పెట్టడంతో అమ్మడు వాటిపైన, రేయ్ నా అంచనాలను పెంచకండిరా అంటూ సరదాగా స్పందించింది. అయితే ఇలా లేనివి కల్పించి చెప్పి తనలో ఆశలు పెంచొద్దనే ఉద్దేశంతోనే ఇలా సరదాగా అని ఉండొచ్చని కొందరు అంటున్నారు.