ట్రోలింగ్ ను ఎంజాయ్ చేస్తానంటున్న రష్మిక మందన..!

రష్మిక మందన.. ఇండస్ట్రీకి ఎంట్రీ ఇచ్చిన 3 ఏళ్లలోనే స్టార్ హీరోయిన్ అయిపొయింది. ‘ఛలో’ సినిమాతో ఎంట్రీ ఇచ్చి బ్లాక్ బస్టర్ కొట్టిన ఈ కన్నడ బ్యూటీ.. ఆ అదే ఏడాది ‘గీత గోవిందం’ అనే మరో బ్లాక్ బస్టర్ ను తన అకౌంట్లో వేసుకుంది. వెంటనే ‘దేవదాస్’ వంటి క్రేజీ మల్టీ స్టారర్ సినిమాలో నటించే అవకాశాన్ని దక్కించుకుంది. ‘డియర్ కామ్రేడ్’ చిత్రం నిరాశ పరిచినప్పటికీ.. ఈమెను నటిగా మరో మెట్టు పైకెక్కించింది. ఇక ఈ ఏడాది ‘సరిలేరు నీకెవ్వరు’ చిత్రంతో బ్లాక్ బస్టర్ కొట్టిన ఈ బ్యూటీ .. ఇప్పుడు ‘భీష్మ’ తో మరో బ్లాక్ బస్టర్ అందుకుని తన రేంజ్ ను మరింత పెంచుకుంది.

ఇదిలా ఉండగా.. ఇటీవల ‘భీష్మ’ ప్రమోషనల్స్ లో పాల్గొన్న ఓ ఇంటర్వ్యూలో ఈమెను… ‘సరిలేరు నీకెవ్వరు’ చిత్రంలో మీ పాత్ర పై విమర్శలు వచ్చాయి.. మీరు ఓవర్ యాక్షన్ చేశారు అనే ట్రోల్స్ కూడా వచ్చాయి. దానిని మీరెలా తీసుకున్నారు? అని ప్రశ్నించాడు. దీనికి రష్మిక అతనికి దిమ్మ తిరిగే సమాధానం చెప్పింది. ఆమె మాట్లాడుతూ.. “నా వరకూ అయితే ఆ చిత్రానికి సంబంధించి అలాంటి ట్రోల్స్ రాలేదు. ఆ సినిమాలో హీరోయిన్ పాత్రకు కొంచెం అత్యుత్సాహం కలిగి ఉండాలి. ఆ పాత్ర తీరు అలాంటిది. ఆ పాత్రను శ్రద్ధగా తెలుసుకునే చేశాను. ఇక ట్రోల్స్ వచ్చినా నేను వాటిని ఎంజాయ్ చేస్తాను. నేను ఈరోజు ఈ స్థాయిలో ఉండడానికి ట్రోల్స్ కూడా బాగా ఉపయోగపడ్డాయి’ అంటూ జవాబిచ్చింది. దీంతో కొందరు నెటిజెన్లు.. ‘రష్మిక కూడా విజయ్ దేవరకొండలా తయారవుతుంది’ అంటూ కామెంట్స్ చేస్తున్నారు.

Most Recommended Video

‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!