కన్నడ బ్యూటీ రష్మిక స్టార్ హీరోయిన్స్ కి చమటలు పట్టిస్తోంది. వెంకీ కుడుముల దర్శకత్వంలో నాగశౌర్య నటించిన ఛలో సినిమా ద్వారా తెలుగు తెరకు పరిచయమైన ఈ బ్యూటీ పాపులారిటీ రోజురోజుకీ పెరిగిపోతోంది. తెలుగులో కంటే ముందుగానే మాతృ భాష కన్నడలో రష్మిక “కిరిక్ పార్టీ” తో అడుగుపెట్టి సంచలన విజయం సాధించింది. ఆ తర్వాత వరుసగా “అంజని పుత్ర”, “ఛమక్” చిత్రాలతో కన్నడవాసుల అభిమాన తారగా మారిపోయింది. తెలుగులోను మొదటి విజయంతో చేతినిండా అవకాశాలు పట్టేసింది. ప్రస్తుతం ఈమె విజయ్ దేవరకొండ సరసన నటిస్తోంది. గీతా ఆర్ట్స్ సంస్థ నిర్మిస్తున్న ఈ సినిమాని పరశురామ్ తెరకెక్కిస్తున్నారు.
ఈ మూవీ రిలీజ్ కాకముందే రష్మిక కొత్త రికార్డును నెలకొల్పింది. బెంగళూరు టైమ్స్ నిర్వహించిన మోస్ట్ డిజైరబుల్ ఉమన్ పోలింగ్లో ఫస్ట్ప్లేస్ను కొట్టేసింది. ఈ పోలింగ్లో పలువురు కన్నడ స్టార్ హీరోయిన్స్ ని వెనక్కి నెట్టి నంబర్ వన్ కిరీటాన్ని సొంతం చేసుకుంది. దీంతో అక్కడి స్టార్ హీరోయిన్స్ అందరూ ఆశ్చర్యపోయారు. ప్రస్తుతం రష్మిక కన్నడలో “యజమాన”, “పొగరు” చిత్రాలు చేస్తున్నాయి. ఇవి రిలీజ్ అయితే ఆమెను అందుకోవడం స్టార్ హీరోయిన్స్ కి కష్టమయ్యే పని అని సినీ విశ్లేషకులు భావిస్తున్నారు.
