అప్పట్లో రకుల్ ప్రీత్ సింగ్.. ఇప్పుడు రష్మిక మండన్నా

సరైన సక్సెస్ ఒక్కటి కూడా లేకపోయినా, నటనతో ఆకట్టుకోలేకపోయినా వరుస ఆఫర్లతో దూసుకుపోతున్నప్పుడు అందరూ రకుల్ ప్రీత్ సింగ్ ని భలే విచిత్రంగా చూశారు. అమ్మడికి అదృష్టం బాగా కలిసొచ్చినట్లుంది అందుకే ప్రేక్షకులని పెద్దగా ఆకట్టుకోలేకపోయినా దర్శకనిర్మాతలను మాత్రం భలే ఇంప్రెస్ చేస్తూ ఆఫర్లు దక్కించుకుంటూ వచ్చింది. తర్వాత ఆమె స్టార్ హీరోయిన్ అయిపోయిందనుకోండి అది వేరే విషయం. ఇప్పుడు ఇదే తరహాలో దూసుకుపోతున్న మరో యువ కథానాయకి రష్మీక మండన్నా. “ఛలో” చిత్రంతో తెరకు పరిచయమైన ఈ అమ్మడు అందంతో కాకుండా క్యూట్ నెస్ తో ఆకట్టుకొంది.

తొలి చిత్రంతోనే అభిమానుల్ని సంపాదించుకొన్న ఈ క్యూట్ హీరోయిన్ చేతిలో ప్రస్తుతం రెండు సినిమాలున్నాయి. ఇటీవల “గీత గోవిందం”తో హిట్ కొట్టిన విజయ్ దేవరకొండతోనే “డియర్ కామ్రేడ్” అనే సినిమా చేస్తున్న రష్మిక.. ఆ సినిమాతోపాటు నాని సరసన “దేవదాస్” చిత్రంలోనూ నటిస్తోంది. ఈ రెండు సినిమాల తర్వాత కూడా అమ్మడికి ఆఫర్లు గట్టిగానే ఉన్నాయి. అయితే.. ఎవరికీ అంతుబట్టని విషయం ఏంట్రా అంటే గట్టిగా కేజీ కండ లేదు, ఎక్స్ పోజింగ్ కి కూడా పెద్దగా ప్రాముఖ్యత ఇవ్వదు. అదరహో అనిపించే స్థాయి నటన కూడా ఇప్పటివరకూ ప్రదర్శించలేదు. అలాంటప్పుడు అమ్మడికి ఇన్ని ఆఫర్లు ఎలా వస్తున్నాయి అని ఇండస్ట్రీలోని చాలామంది ఆశ్చర్యపడుతున్నారు.