బిగ్ బీ సినిమాలో కన్నడ బ్యూటీ!

December 30, 2020 / 04:26 PM ISTByFilmy Focus

Join Us

కన్నడ బ్యూటీ రష్మిక ఇప్పుడు తెలుగులో స్టార్ హీరోయిన్ గా కొనసాగుతుంది. టాలీవుడ్ లో స్టార్ హీరోల సరసన ఛాన్స్ లు కొట్టేస్తుంది. ఇప్పుడు బాలీవుడ్ లో కూడా ఈమెకి అవకాశాలు వస్తుండడం విశేషం. దక్షిణాదిన ఆమె క్రేజ్ చూసి ఇప్పుడు బాలీవుడ్ మేకర్లు ఛాన్స్ లు ఇస్తున్నారు. రీసెంట్ గా సిద్ధార్థ్ మల్హోత్రా నటిస్తోన్న ‘మిషన్ మజ్ను’ సినిమాలో హీరోయిన్ గా రష్మికను తీసుకున్నారు. ఈ సినిమానుశాంతను బాగ్చి అనే కొత్త దర్శకుడు రూపొందిస్తున్నాడు.

అమర్ బుటాలతో కలిసి ప్రముఖ నిర్మాత రోనీ స్క్రూవాలా ఈ చిత్రాన్ని ప్రొడ్యూస్ చేస్తున్నాడు. ఈ సినిమా ఇంకా సెట్స్ పైకి వెళ్లకముందే మరో బాలీవుడ్ ప్రాజెక్ట్ లో ఛాన్స్ దక్కించుకుందట రష్మిక. ఈసారి ఏకంగా బాలీవుడ్ మెగాస్టార్ అమితాబ్ బచ్చన్ తో స్క్రీన్ షేర్ చేసుకోబోతుందట. ఈ సినిమాకి ‘డెడ్లీ’ అనే టైటిల్ కూడా ఖరారు చేశారట. ‘క్వీన్’, ‘సూపర్ 30’ లాంటి సినిమాలతో మంచి పేరు సంపాదించిన వికాస్ బల్ ఈ సినిమాను డైరెక్ట్ చేయబోతున్నాడు. ఇందులో అమితాబ్ కూతురిగా రష్మిక నటించనుందట.

ఇందులో ఆమెకి జోడీగా ఏ హీరో కనిపిస్తాడనేది తెలియదు. ఈ చిత్రాన్ని రిల‌యెన్స్ ఎంట‌ర్టైన్మెంట్ నిర్మించ‌నుంది. మార్చిలో ఈ సినిమాను సెట్స్ పైకి తీసుకెళ్లబోతున్నారట. బాలీవుడ్ లో మొదటి సినిమా ప్రకటన వచ్చిన వెంటనే ఇంత పెద్ద ప్రాజెక్ట్ లో రష్మికలో ఛాన్స్ రావడం గొప్ప విషయమే. ప్రస్తుతం ఈ బ్యూటీ తెలుగులో అల్లు అర్జున్ సరసన ‘పుష్ప’ సినిమాలో నటిస్తోంది. అలానే తమిళంలో కార్తీకి జోడీగా ‘సుల్తాన్’ అనే సినిమాలో నటించింది. ఈ సినిమా విడుదలకు సిద్ధమవుతోంది.