టాలీవుడ్‌ భామలు బాలీవుడ్‌కి వెళ్లడం పెద్ద విషయమేమీ కాదు. అయితే రెండు రోజుల వ్యవధిలో రెండు సినిమాలు ఓకే చేసుకోవడం అంటే పెద్ద విషయమే కదా. ఆ ఘనత సాధించింది ఎవరో కాదు మన గీత మేడమ్‌ అదేనండి రష్మిక మందన. సిద్ధార్థ్‌ మల్హోత్రా కథానాయకుడిగా నటిస్తున్న ‘మిషన్‌ మజ్ను’లో కథానాయికగా బాలీవుడ్‌లో అడుగుపెడుతున్నట్లు ప్రకటించిన రెండు రోజుల్లోనే ఈ అమ్మడి మరో బాలీవుడ్‌ కబురు వచ్చేసింది. దీంతో రష్మిక ప్లానింగ్‌ సూపర్ అంటూ అభిమానులు, నెటిజన్లు మెచ్చేసుకుంటున్నారు.
ప్రముఖ బాలీవుడ్‌ నటుడు అమితాబ్‌ బచ్చన్‌ ప్రధాన పాత్రలో ‘డెడ్లీ – ఏ స్లైస్‌ ఆఫ్‌ లైఫ్‌ కామెడీ’ అనే సినిమా తెరకెక్కుతోంది. వికాస్‌ బెల్‌ దర్శకత్వం వహిస్తున్న ఈ సినిమాలో రష్మిక చోటు సంపాదించింది. సినిమాకు సంబంధించిన సంతకాల కార్యక్రమం ఇటీవల పూర్తయిందట. తండ్రి – కుమార్తెల అనుబంధం నేపథ్యంలో సాగనున్న ఈ సినిమాలో అమితాబ్‌ కూతురిగా రష్మిక నటించనుందట. రిలయన్స్ ఎంటర్టైన్మెంట్ ఈ ప్రాజెక్టును నిర్మి స్తోంది. మార్చి నుండి ఈ సినిమా పట్టాలెక్కుతుంది.
‘మిషన్‌ మజ్ను’ సినిమాకు సంబంధించి మరో ఆసక్తికరమైన విషయం బయటికొచ్చింది. ఆ సినిమా కథ ప్రకారం హీరోయిన్‌ దక్షిణాదికి చెందిన అమ్మాయి అయి ఉండాలట. అందుకే రష్మికను ఎంచుకున్నారని సమాచారం. అయితే ఇంతమంది సౌత్‌ హీరోయిన్లలో ఆమెనే ఎంచుకున్నారంటే విషయమే కదా. ఇదంతా పక్కనపెడితే సౌత్‌లో వరుస సినిమాలు వస్తున్న తరుణంలో బాలీవుడ్‌కి వెళ్లి అక్కడ కూడా నెగ్గాలనే రష్మిక ప్రయత్నం సూపర్ కదా. కానీ కాస్త జాగ్రత్త గీతా మేడమ్‌.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
