Rashmika Mandanna, Dulquer Salmaan: మరో సినిమా ఒప్పుకున్న స్టార్ హీరోయిన్!

September 25, 2021 / 07:50 PM ISTByFilmy Focus

Join Us

Rashmika Mandanna, Dulquer Salmaan: మరో సినిమా ఒప్పుకున్న స్టార్ హీరోయిన్!

‘ఛలో’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది రష్మిక మందన. ఆ తరువాత విజయ్ దేవరకొండతో కలిసి ‘గీత గోవిందం’, ‘డియర్ కామ్రేడ్’ సినిమాల్లో నటించింది. ఆ తరువాత ఈమె క్రేజ్ అమాంతం పెరిగిపోయింది. సోషల్ మీడియాలో విపరీతమైన పాపులారిటీ సంపాదించుకుంది. ప్రస్తుతం ఈ బ్యూటీ అల్లు అర్జున్ సరసన ‘పుష్ప’ సినిమాలో నటిస్తోంది. అలానే బాలీవుడ్ లో మరికొన్ని సినిమాలు చేస్తోంది. తాజాగా ఆమె మరో సినిమా అంగీకరించినట్లు తెలుస్తోంది.

మలయాళ స్టార్ దుల్కర్ సల్మాన్ సినిమాలో రష్మిక నటించనుందని సమాచారం. స్వప్న సినిమా-వైజయంతీ మూవీస్ సంస్థ దుల్కర్ సల్మాన్ హీరోగా ఓ సినిమాను నిర్మిస్తున్నారు. ఈ సినిమా కోసం కొంతకాలం క్రితం రష్మికను సంప్రదించగా.. ఆమె రీసెంట్ గా ఓకే చెప్పినట్లు తెలుస్తోంది. హనురాఘవపూడి డైరెక్ట్ చేస్తోన్న ఈ సినిమాలో మృణాల్ ఠాకూర్ మెయిన్ హీరోయిన్ గా కనిపించనుంది. ఆమెతో పాటు సినిమాలో మరో హీరోయిన్ రోల్ ఉందని తెలుస్తోంది.

ఇదొక ఎక్స్టెండెడ్ క్యామియోలా ఉంటుందని సమాచారం. పాత్ర నచ్చడంతో రష్మిక ఓకే చెప్పిందట. ప్రస్తుతం ఈ బ్యూటీ బాలీవుడ్ లో ‘మిషన్ మజ్ను’, ‘గుడ్ బై’ సినిమాల్లో నటిస్తోంది. ఈ సినిమాలతో రష్మిక బాలీవుడ్ లో బిజీ అవుతుందేమో చూడాలి!