‘ఛలో’ ‘గీత గోవిందం’ వంటి బ్లాక్ బస్టర్స్ తో క్రేజీ హీరోయిన్ గా మారిపోయింది రష్మిక మందన. తాజాగా నేచురల్ స్టార్ నాని , కింగ్ నాగార్జునల ‘దేవదాస్’ చిత్రంలో కూడా నటించి మెప్పించింది. ప్రస్తుతం విజయ్ దేవరకొండ తో ‘డియర్ కామ్రేడ్’, నితిన్ తో ‘భీష్మ’ అనే చిత్రాలతో బిజీగా ఉంది రష్మిక. అయితే ఇందులో నితిన్ నటిస్తున్న ‘భీష్మ’ చిత్రం విషయంలో రష్మిక చాలా అసహనంతో ఉన్నట్టు తెలుస్తుంది.
వివరాల్లోకి వెళితే ‘ఛలో’ చిత్రాన్ని డైరెక్ట్ చేసిన వెంకీ కుడుములనే నితిన్ ‘భీష్మ’ చిత్రానికి దర్శకుడు. టాలీవుడ్ లో తనకి మొదట హీరోయిన్ గా అవకాశమిచ్చిన డైరెక్టర్ వెంకీ కుడుముల పై ఉన్న అభిమానంతోనే ‘భీష్మ’ చిత్రంలో హీరోయిన్ గా నటించడానికి ఒప్పుకుందట రష్మిక. దీనితో ఇప్పటికే నెల రోజులు వరకు డేట్స్ ఇచ్చిందట. చాలా ఆఫర్లను కాదని రష్మిక ‘భీష్మ’ చిత్రానికి నెల రోజుల వరకు డేట్స్ ఇచ్చిందట. అయితే ఈ చిత్ర షూటింగ్ సమయంలో భుజానికి గాయం కావడంతో.. ప్రస్తుతం చికిత్స పొందుతున్నాడట నితిన్. అయితే తను తిరిగి ఎప్పటినుండీ షూటింగ్లో జాయిన్ అవుతాడో అప్డేట్ ఇవ్వకపోవడంతో రష్మిక చాలా కోపంగా ఉన్నట్లు తెలుస్తోంది. తొందర్లోనే ఏదో ఒక అప్డేట్ ఇవ్వకపోతే.. ఈ ప్రాజెక్ట్ నుండీ తప్పుకుంటానని రష్మిక చిత్ర యూనిట్ కు తేల్చి చెప్పేసిందట. మరి ఈ వార్తల్లో నిజమెంతో తెలియాలంటే మరికొన్ని రోజులు వేచి చూడక తప్పదు.
