‘ఛలో’ ఫేమ్ వంటి బ్లాక్ బస్టర్ హిట్టందుకున్న వెంకీ కుడుముల డైరెక్షన్లో నితిన్ ‘భీష్మ’ అనే చిత్రాన్ని చేయబోతున్న సంగతి తెలిసిందే. ఇటీవల నితిన్ పుట్టినరోజు సందర్భంగా ఈ చిత్ర ప్రీ లుక్ పోస్టర్ ను విడుదల చేసారు. ఈ చిత్రంలో రష్మిక మందన ను హీరోయిన్ గా ఎంచుకున్నారు. అనేక కారణాల వల్ల ఈ చిత్రం ఆలస్యమవుతూ వస్తుంది. హీరోయిన్ రష్మిక ఈ చిత్రం కోసం ఎన్నో ఆఫర్లు వదులుకుందని గతంలో వార్తలొచ్చిన సంగతి తెలిసిందే. కేవలం తనని హీరోయిన్ గా పరిచయం చేసిన డైరెక్టర్ వేణు కోసమే రష్మిక ఇంతకాలం ఎదురుచూసిందని తెలుస్తుంది.
ఇక ఈ చిత్రం త్వరలో ప్రారంభం కాబోతుండడంతో… ఆమె ఎంతో సంతోషంగా ఉందట. తాజాగా నితిన్ పుట్టినరోజున తన ట్విట్టర్ ద్వారా శుభాకాంక్షలు తెలుపుతూ…. “సార్.. మన సినిమా ఎప్పుడు మొదలవుతుందా అని ఎప్పటినుండో ఎదురుచూస్తున్నాను. ఈ ఏడాది ఆయనకి మరిన్ని విజయాలు చేకూరాలని కోరుకుంటున్నాను”… అంటూ చెప్పుకొచ్చింది. ఇక మరోపక్క విజయ్ దేవరకొండతో చేస్తున్న’డియర్ కామ్రేడ్’ చిత్రం మే నెలలో విడుదల కాబోతుంది.
