విజయ్ దేవరకొండ సినిమాలో రష్మిక రోల్ ఇదే

‘ఛలో’తో తెలుగు చిత్రసీమకు పరిచయమైన కూర్గ్ బ్యూటీ రష్మిక మండన్నకు తెలుగులో ఆఫర్లు క్యూ కడుతున్న విషయం తెలిసిందే. అమ్మడు ఆల్రెడీ రెండు సినిమాలు సైన్ చేసింది. అన్నీ సరిగ్గా జరిగితే రాజమౌళి-రామ్ చరణ్-ఎన్టీఆర్ ల కాంబినేషన్ లోనూ హీరోయిన్ గా నటించే అవకాశాన్ని సొంతం చేసుకొనే అదృష్టం అమ్మడికి కాస్త గట్టిగానే ఉంది. ప్రస్తుతం రష్మిక తెలుగులో విజయ్ దేవరకొండ హీరోగా పరశురామ్ దర్శకత్వంలో తెరకెక్కుతున్న చిత్రంలో కథానాయికగా నటిస్తున్న విషయం తెలిసిందే. ఇది కాకుండా విజయ్ దేవరకొండతో మరోమారు కలిసి నటించేందుకు రష్మిక సైన్ చేసిన విషయం కూడా తెలిసిందే.

భరత్ కమ్మ దర్శకత్వంలో తెరకెక్కుతున్న ఈ చిత్రంలో విజయ్ దేవరకొండ కాకినాడ కుర్రాడిగా కనిపించనుండగా.. రష్మిక లేడీ క్రికెటర్ గా అది కూడా కెప్టెన్ ఆఫ్ ది టీం గా నటించనుందట. ఈ విషయాన్ని రష్మిక స్వయంగా తెలిపింది. తన ఫేవరెట్ గేమ్ అయిన క్రికెట్ కెప్టెన్ రోల్ ప్లే చేయనుండడం చాలా ఆనందంగా ఉందని ఆమె తెలిపింది. ఈ సినిమా షూటింగ్ అతి త్వరలో ప్రారంభంకానుంది.