నాగశౌర్య సినిమాకి నో చెప్పిన బ్యూటీ!

తనకు బ్రేక్ ఇచ్చిన హీరోని రష్మిక ఇప్పుడు పక్కన పెట్టేయడం టాలీవుడ్ లో హాట్ టాపిక్ గా మారింది. అసలు విషయంలోకి వస్తే.. కన్నడ బ్యూటీ రష్మికను ‘ఛలో’ సినిమాతో తెలుగు ఇండస్ట్రీకి పరిచయం చేశాడు హీరో నాగశౌర్య. ఈ సినిమా సక్సెస్ కావడంతో రష్మిక టాలీవుడ్ లో బిజీ హీరోయిన్ గా మారింది. మహేష్ బాబు, అల్లు అర్జున్ లాంటి స్టార్ హీరోల సరసన నటించే అవకాశాలు అందుకుంటూ రోజురోజుకి తన స్టేటస్ ని పెంచుకుంటోంది. మరోపక్క కోలీవుడ్ లో కూడా సినిమాలు సైన్ చేస్తోంది.

ఈ క్రమంలో హీరో నాగశౌర్య ఓ సినిమా కోసం రష్మికను సంప్రదిస్తే ఆమె నో చెప్పిందని సమాచారం. దర్శకుడు అనీష్ కృష్ణతో కలిసి సినిమా చేయడానికి రెడీ అయ్యాడు నాగశౌర్య. దర్శకుడు తప్ప దాదాపు ‘ఛలో’ టీమ్ మొత్తం కలిసి ఈ సినిమా కోసం పని చేస్తోంది. సినిమాటోగ్రాపర్, సంగీత దర్శకుడు, బ్యానర్ ఇలా మొత్తం ‘ఛలో’ సినిమా సెటప్ తోనే రెడీ చేస్తున్నారు. కాబట్టి సెంటిమెంట్ గా హీరోయిన్ ను కూడా రిపీట్ చేయాలనుకున్నారు. దీంతో రష్మిక దగ్గర ఈ ప్రస్తావన తీసుకురాగా.. ఆమె నో చెప్పిందట.

కథ నచ్చకపోవడం వలన నో చెప్పిందా..? లేక రెమ్యునరేషన్ సమస్యా..? అనేది తెలియలేదు. అదే సమయంలో రష్మిక.. శర్వానంద్ హీరోగా నటిస్తోన్న ‘ఆడాళ్లు మీకు జోహార్లు’ అనే సినిమాకి డేట్లు ఇచ్చింది. ఈ సినిమా కోసం ఆమె తన కెరీర్ లోనే హయ్యెస్ట్ రెమ్యునరేషన్ తీసుకోబోతుందని టాక్. ఇలా నాగశౌర్యని కాదని శర్వానంద్ కి డేట్లు కేటాయించడంతో శౌర్య కూడా హర్ట్ అయినట్లు సమాచారం. రష్మికకు బదులుగా ఇప్పుడు మరో హీరోయిన్ ని రంగంలోకి దింపాలని ప్రయత్నిస్తున్నారు.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?