విజయ్ దేవరకొండ చిత్రంలో రష్మిక రోల్ ఇదే

కన్నడ బ్యూటీ రష్మిక మాతృ భాష లో “కిరిక్ పార్టీ” తో అడుగుపెట్టి సంచలన విజయం సాధించింది.  ఛలో సినిమా ద్వారా తెలుగు తెరకు పరిచయమైంది.  వెంకీ కుడుముల దర్శకత్వంలో తెరకెక్కిన ఈ ఒక్క సినిమాతోనే ప్రేక్షకులను, ఫిలిం మేకర్స్ ని ఫ్లాట్ చేసింది. వరుసగా ఆఫర్లు అందుకుంటోంది. ప్రస్తుతం నాని, నాగార్జున మల్టీ స్టారర్ సినిమాలో నటిస్తున్న ఈ బ్యూటీ విజయ్ దేవరకొండ సరసన నటించే ఛాన్స్ అందుకుంది. భరత్ కమ్మ దర్శకత్వంలో రూపుదిద్దుకోనున్న “డియర్ కామ్రేడ్” సినిమాలో  తెలంగాణ రాష్ట్ర జట్టుకు ప్రాతినిథ్యం వహించే ఒక క్రికెటర్ గా కనిపించనుంది.

పాత్రలో సహజత్వం లోపించకుండా ఉండటం కోసం రష్మిక ఇప్పుడు క్రికెట్ నేర్చుకుంటోంది. హైదరాబాద్ క్రికెట్ క్లబ్ లో ఆమె శిక్షణ పొందుతోంది. ప్రస్తుతం విజయ్ దేవరకొండ తెలుగు, తమిళంలో తెరకెక్కుతోన్న నోటా సినిమా షూటింగ్ లో బిజీగా ఉన్నారు. ఈ సినిమాని మే చివరి నాటికి కంప్లీట్ చేసి.. వచ్చే నెల నుంచి “డియర్ కామ్రేడ్” ని సెట్స్ పైకి తీసుకెళ్లనున్నారు. విజయ్, రష్మిక ఇద్దరికీ యువతలో మంచి క్రేజ్ ఉంది. అటువంటి జోడీతో రూపుదిద్దుకోనున్న ఈ సినిమాపై అంచనాలు మామూలుగా ఉండవు.