రక్షిత్ శెట్టి సినిమాకు రెడీ అంటున్న రష్మిక మందన..!

2018 లో విడుదలైన ‘ఛలో’ చిత్రంతో ప్రేక్షకులకు పరిచయమైన రష్మిక మందన… ఆ చిత్రంతో బ్లాక్ బస్టర్ అందుకుని క్రేజీ ఆఫర్లు దక్కించుకుంది. ఆ తరువాత ఆమె నటించిన ‘గీత గోవిందం’ చిత్రం అంతకు మించిన బ్లాక్ బస్టర్ అవ్వడం.. ఆ చిత్రంలో కూడా ఈమె నటన హైలెట్ గా నిలవడంతో… ఈమె క్రేజ్ డబుల్ అయ్యిందనే చెప్పాలి. ఏకంగా మహేష్ బాబు సరసన ‘సరిలేరు నీకెవ్వరు’ సినిమాలో హీరోయిన్ గా నటించే ఛాన్స్ కొట్టేసింది.

ఆ సినిమా సూపర్ హిట్ అవ్వడం అటు తరువాత వచ్చిన.. ‘భీష్మ’ కూడా సూపర్ హిట్ అవ్వడంతో ఇండస్ట్రీకి ఎంట్రీ ఇచ్చిన రెండేళ్ళలోనే స్టార్ హీరోయిన్ అయ్యి రికార్డు సృష్టించింది. అయితే రష్మిక కు కన్నడ హీరో రక్షిత్ శెట్టి తో ఎంగేజ్మెంట్ అయిన సంగతి అందరికీ తెలిసిందే. కానీ తరువాత వీరి ఎంగేజ్మెంట్ క్యాన్సిల్ అయ్యింది. ‘కెరీర్ మంచిగా సాగుతున్న తరుణంలో వివాహం చేసుకోవడం ఇష్టం లేక పోస్ట్ పోన్ చేసుకున్నాను’ అని చెప్పి రష్మిక తరువాత క్లారిటీ ఇచ్చింది.

అయితే అసలు విషయం ఇది కాదని.. ‘వీరి మధ్య మనస్పర్థలు రావడం వల్లనే విడిపోయారని’ కూడా ప్రచారం జరిగింది. ఇది పక్కన పెడితే.. ‘కిరీక్ పార్టీ’ అనే కన్నడ సినిమా టైంలోనే రష్మిక, రోహిత్ శెట్టి లకు పరిచయం ఏర్పడి..అది కాస్త ప్రేమగా మారిందన్న సంగతి తెలిసిందే. అయితే ఇటీవల అభిమానులతో ముచ్చటించిన రష్మిక ‘కిరిక్ పార్టీ’ సీక్వెల్ లో నటించడానికి రెడీ అంటూ చెప్పుకొచ్చింది. అంటే తన మాజీ లవర్ తో నటించడానికి రెడీ అన్నట్టు ఇండైరెక్ట్ గా హింట్ ఇచ్చిందని నెటిజన్లు కామెంట్స్ చేస్తున్నారు.

Most Recommended Video

కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!