విజయ్ దేవరకొండతో రవిబాబు సినిమా

చిత్రపురిలో కాంబినేషన్లు పలురకాలు. హీరో-హీరోయిన్, హీరో-దర్శకుడు, నిర్మాత-దర్శకడు ఇలా రకరకాల కలయికలుంటాయి. అయితే ఇవన్నీ సినిమా విజయవంతం అయిన తర్వాత ఏర్పడ్డవి. అలా కాకుండా ఒకరికొకరు భిన్నంగా ఉండే ఇద్దరి కలయికలో కొన్నిసార్లు సినిమా రూపొందుతుంది. ఆ కాంబినేషన్ కొంత ప్రత్యేక ఆసక్తిని పుట్టిస్తుందని ఒప్పుకుని తీరాలి. సరిగ్గా అలాంటి కాంబినేషనే ఒకటి తయారయ్యిందిప్పుడు.

‘లైఫ్ ఈజ్ బ్యూటిఫుల్’, ‘ఎవడే సుబ్రమణ్యం’ సినిమాల్లో చిన్నపాటి పాత్రలతో ఆకట్టుకున్న విజయ్ దేనారకొండ ఈ సంవత్సరం విడుదలైన ‘పెళ్లి చూపులు’ సినిమాతో సోలో హీరోగా సాలిడ్ సక్సెస్ అందుకున్నాడు. దాంతో ఇతగాడి కోసం ఎంతోమంది దర్శక నిర్మాతలు క్యూ కట్టడం మొదలెట్టారు. ఇదంతా పరిశ్రమలో మామూలే అనుకున్నా నటుడిగా కంటే దర్శకుడిగా తనదైన శైలిని ఏర్పరచుకున్న రవిబాబు కూడా విజయ్ ని మెచ్చి అతడితో సినిమా చేసేందుకు రెడీ అయ్యారు. ఇప్పటికే వీరిద్దరి మధ్య కథా చర్చలు పూర్తయ్యాయట. ఈ సినిమాని ఒకప్పటి బడా చిత్రాల నిర్మాత అశ్విని దత్ నిర్మించనున్నారట. ఇప్పుడు చెప్పండి.. ఇది అదిరిపోయే కాంబినేషన్ కాదూ..?!