వరుస విజయాలతో దూసుకుపోతున్న యువ హీరో శర్వానంద్ కథలో కంటెంట్ ఉంటేనే సినిమాలు చేస్తాడు. యూత్ లో శర్వాకు స్పెషల్ క్రేజ్ ఉంది. తను నటిస్తోన్న సినిమా మినిమమ్ గ్యారంటీ అనేది నిర్మాతల నమ్మకం. ప్రస్తుతం శర్వా ఓ సినిమా చేస్తున్నాడు. ఈ చిత్రం ద్వారా చంద్రమోహన్ అనే కొత్తన్ దర్శకుడు పరిచయం కానున్నాడు.
ఈ సినిమాలో శర్వానంద్ పోలీస్ ఆఫీసర్ పాత్రలో కనిపించబోతున్నాడు. హీరో పాత్రతో పాటు ఈ చిత్రంలో విలన్ పాత్ర కూడా వైవిధ్యంగా ఉంటుందని తెలుస్తోంది. దీనికోసం చాలా మంది పేర్లు పరిశీలించినప్పటికీ చివరగా రవి కిషన్ ను ఎంపిక చేసుకున్నారు. ఈ సినిమాలో ఆయనొక మాఫియా డాన్ గా కనిపించబోతున్నాడు. రేసుగుర్రం సినిమాలో మద్దెల శివారెడ్డి అనే పాత్రలో కనిపించి ప్రేక్షకులను మెప్పించిన రవి కిషన్ ఆ తరువాత కిక్ 2, సుప్రీం వంటి చిత్రాల్లో నటించాడు. బి.వి.ఎస్.ఎన్ ప్రసాద్ నిర్మిస్తోన్న ఈ చిత్రంలో లావణ్య త్రిపాఠి హీరోయిన్ గా కనిపించనుంది.
