కమల్ లా చేయాలనుంది – రవి కిషన్

స్టార్ అనేసరికి రకరకాల పేర్లు వినపడినా.. నటుడు అనేసరికి మొట్టమొదట వినపడే పేరు కమల్ హాసన్. కమల్ లా కొత్త తరహా పాత్రలు చేయాలని చాలామంది అనుకుంటూ ఉంటారు. ఈ జాబితాలోకి మరో నటుడు చేరాడు. మద్దాలి శివారెడ్డిగా తెలుగు ప్రేక్షకులకు పరిచయమైన రవికిషన్ కమల్ లా దశావతారం చూపించాలని ఆశపడుతున్నాడు.

‘రేసుగుర్రం’ సినిమాతో టాలీవుడ్ కి ఎంట్రీ ఇచ్చిన ఈ భోజ్ పురి నటుడు తనలో వెయ్యి పాత్రలు దాగున్నాయని చెప్పాడు. భోజ్ పురిలో స్టార్ హీరో అయిన రవికిషన్ తెలుగులో విలన్ గా నటించడంపై స్పందిస్తూ “నటుడిగా రకరకాల సినిమాలు చేయాలన్నదే తన అభిమతమని తెలుగులో హీరోగా అవకాశమొచ్చినా చేస్తా”నన్నాడు. ప్రస్తుతం సుదీప్ హీరోగా తెరకెక్కుతోన్న ‘హెబ్బులి’ సినిమాలో విలన్ గా నటిస్తున్నట్టు తెలిపిన రవికిషన్ తాను హీరోగా భోజ్ పురి లో భారీ బడ్జెట్ తో ఓ సినిమా అయినా మొదలవనుందన్నారు. భారీ బడ్జెట్ అంటే 60-100 కోట్లు అనుకునేరు. ‘హమీర్’ పేరుతో తెరకెక్కనున్న ఆ సినిమా బడ్జెట్ 6 కోట్లు మాత్రమే. అయితే అక్కడ ఇది పెద్ద బడ్జెట్టే మరి..!