Ravi Teja,Ileana: రవితేజ – ఇలియానా కాంబో మరోసారి..?

మాస్ మహారాజ్ రవితేజ నుండీ ఇటీవల వచ్చిన ‘టైగర్ నాగేశ్వరరావు’ చిత్రం ఆశించిన స్థాయిలో విజయం సాధించలేదు. సినిమాకు పాజిటివ్ టాక్ వచ్చినా.. బాక్సాఫీస్ వద్ద క్యాష్ చేసుకోవడంలో విఫలమైంది. ప్రస్తుతం ‘ఈగల్’ సినిమాలో నటిస్తున్నాడు రవితేజ. కొన్నేళ్ల క్రితం నిఖిల్ తో ‘సూర్య వర్సెస్ సూర్య’ అనే చిత్రాన్ని తెరకెక్కించి యావరేజ్ ఫలితాన్ని అందుకున్న కార్తీక్ ఘట్టమనేని ఈ చిత్రానికి దర్శకుడు. ‘పీపుల్ మీడియా ఫ్యాక్టరీ’ సంస్థ ఈ చిత్రాన్ని నిర్మిస్తోంది.

2024 సంక్రాంతి కానుకగా ఈ సినిమా రిలీజ్ కాబోతుంది. టీజర్ అయితే ప్రామిసింగ్ గా అనిపించింది. ఇక మరోవైపు రవితేజ.. ‘మైత్రి’ నిర్మాణంలో అదీ గోపీచంద్ మలినేని దర్శకత్వంలో ఓ సినిమా చేయాలి. కానీ కథ ప్రకారం దాని బడ్జెట్ రవితేజ మార్కెట్ కి ట్రిపుల్ అవుతుందట. దీంతో ఆ సినిమాని హోల్డ్ లో పెట్టేశారు.

పైగా ఆ ప్రాజెక్టుకి రవితేజ (Ravi Teja) ఏకంగా రూ.25 కోట్లు డిమాండ్ చేస్తున్నాడట. సో ఇప్పుడు ఆ ప్రాజెక్టు బదులు ‘పీపుల్ మీడియా ఫ్యాక్టరీ’ వారి నిర్మాణంలో హరీష్ శంకర్ దర్శకత్వంలో ఓ సినిమా చేయబోతున్నాడు. ఇది బాలీవుడ్ సూపర్ హిట్ మూవీ ‘రైడ్’ కి రీమేక్ అని తెలుస్తుంది. ఈ సినిమాలో హీరోయిన్ గా ఇలియానాని ఫైనల్ చేసినట్లు టాక్.

రవితేజ – ఇలియానా కాంబినేషన్లో ‘ఖతర్నాక్’ ‘కిక్’ ‘దేవుడు చేసిన మనుషులు’ ‘అమర్ అక్బర్ ఆంటోనీ’ వంటి చిత్రాలు వచ్చాయి. ఇందులో ‘కిక్’ తప్ప మిగిలిన అన్ని సినిమాలు ప్లాపులే. అయినా 5వ సారి ఈ కాంబినేషన్ ను రిపీట్ చేస్తున్నాడు హరీష్ శంకర్ అని టాక్. చూడాలి మరి ఇందులో ఎంతవరకు నిజముందో తెలియాల్సి ఉంది.

ఆదికేశవ్ సినిమా రివ్యూ & రేటింగ్!

కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!