మాస్ మహారాజ్ రవితేజ కెరీర్ మొదల్లో చిన్న పాత్రలు పోషించారు. అప్పటికే హీరో అయిన జగపతి బాబు చిత్రంలోనూ రవితేజ నటించారు. ఈ ఇద్దరు కలిసి ‘బడ్జెట్ పద్మనాభం’ సినిమాలో కలిసి సందడి చేశారు. చాలా కాలం తర్వాత మళ్లీ వీరు కలిసి నటిస్తున్నారు. అయితే ఇప్పుడు సీన్ రివర్స్ అయింది. రవితేజ హీరోగా చేస్తుండగా జగపతి బాబు కీలక రోల్ పోషిస్తున్నారు. వివరాల్లోకి వెళితే… టచ్ చేసి చూడు సినిమా తర్వాత కళ్యాణ్ కృష్ణ దర్శకత్వంలో రవితేజ నటిస్తున్నారు. “నేల టికెట్” అని పేరు పరిశీలిస్తున్న ఈ చిత్రం వేగంగా షూటింగ్ జరుపుకుంటోంది. ఇందులోమాళవిక శర్మ హీరోయిన్ గా నటిస్తోంది.
రామ్ తాళ్లూరి నిర్మిస్తున్న ఈ మూవీలో జగపతి బాబు ఓ కీలక పాత్రలో కనిపించనున్నారు. వీరిద్దరి మధ్య వచ్చే సన్నివేశాలు సినిమాలో హైలెట్ గా నిలుస్తాయని చిత్ర బృందం తెలిపింది. ఈ చిత్రాన్ని రవితేజ వేగంగా కంప్లీట్ చేసి శ్రీను వైట్ల దర్శకత్వంలో నటించారు. ప్రీ ప్రొడక్షన్ దశలో ఉన్న ఈ సినిమాకి “అమర్ అక్బర్ ఆంటోనీ” అని టైటిల్ ని ఫిక్స్ చేశారు. ఇందులో మూడు వేరియేషన్లో రవితేజ నటవిశ్వరూపం చూపించనున్నారు.
